صدر آصف علی زرداری ءَ بوسنیا ءُ ہرزیگووینا ءَ را آجوئی ءِ روچ ءِ مبارک بات داتگ

اسلام آباد۔ یکم مارچ (اے پی پی): صدر آصف علی زرداری ءَ بوسنیا ءُ ہرزیگووینا ءِ آجوئی ءِ روچ ءِ وشیں موہ ءِ سر ءَ صدر ءِ چیئرمین ڈاکٹر ڈینس بیکیروچ ءُ بوسنیا ءُ ہرزیگووینا ءِ صدارت ءِ دو دگہ باسک زیلکو کومیسیچ ءُ زیلکا کویجانوویچ ءَ را مبارک بات داتگ۔ یک شمبے ءِ روچ ءَ صدارت ءِ پریس ونگ ءِ رد ءَ صدر ءِ مملکت ءَ وتی مبارکی نمدی آنی تہ ءَ گوشت کہ پاکستان ءُُ بوسنیا ءُُ ہرزیگووینا ءِ نیام ءَ وت مہ وتی بھروسہ، نیک راھی ءُُ یکجائی یکوئی ءِ بنیات ءَ نزیکیں ءُُ راجدپتری سیادی است انت۔ آئی ءَ وتی اے باور ءِ درشان کت کہ آیوکیں سال آنی تہ ءَ دوئیں ملک آنی نیام ءَ دوستی ءُُ دو نیمگی سیادی گیش گہتر بنت، ایشی ءَ چہ دوئیں ملک آنی اُلس ءِ وت مہ وتی سیت ءِ واستہ بیت۔ صدر ءِ مملکت ءَ بوسنیا ءُُ ہرزیگووینا ءِ سروکی ءِ جان سلامتی ءُُ وشحالی ءُُ بوسنیا ءُُ ہرزیگووینا ءِ اُلس ءِ برجاھیں دیمروئی ءُُ وشھالی ءِ واستہ ھم نیکیں واھگ آنی درشان کت۔