وفاقی داخلہ ءِ وزیر محسن نقوی ءَ مزن وزیر شہباز شریف ءَ گوں گند ءُ نند

لاہور – یکم مارچ (اے پی پی): وفاقی وزیر داخلہ محسن نقوی ءَ مزن وزیر محمد شہباز شریف ءَ گوں گند ءُُ نند کتگ ات کہ ایشی ءِ تہ ءَ آئی ءَ مزن وزیر ءَ را روم ءُُ اٹلی ءَ چار ملکی داخلہ ءِ وزیر آنی دیوان ءَ وتی بھر زوری ءِ بابت ءَ سرپدی داتگ ات، ایشی ءِ تہ ءَ اٹلی، اسپین ءُُ پاکستان ءِ تہی کارانی وزیر آناں بہر زرتگ ات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ تہی کارانی وزیر ءَ مزن وزیر ءَ را پولینڈ ءَ شش فریکی تہی کارانی دیوان ءَ بھر زوری ءِ بابت ءَ ھم سرپدی داتگ کہ ایشی ءِ تہ ءَ پاکستان ءُُ پولینڈ ءَ ابید لیٹویا، فن لینڈ، ایسٹونیا ءُُ لیتھوانیا ءِ تہی کارانی وزیر ھم بھر زوری کنگ ءَ اتنت۔ وزیر ءِ تہی کار ءَ مزن وزیر ءَ را سرپد کت کہ دوئیں کانفرنس آنی تہ ءَ بھر زوروکیں ملک آں زوتاں چہ زوت پاکستانی آنی واستہ قانونی ورک پرمٹ جاری کنگ ءِ سر ءَ تپاک کتگ۔ آئی ءَ گوشت کہ باسکیں ملک آں پاکستان ءِ کارکردگی ءَ را ساڑاتگ کہ ایشی ءِ تہ ءَ ایوک ءَ یک سال ءِ تہ ءَ یورپی ملک آناں ناجائزیں مسافر آنی کساس ءَ را 47درسد کم کنگ ءُُ انسانی دزگیری ءِ ھلاسی ءِ واستہ گامگیج کنگ بوتگ۔ آئی ءَ مزن وزیر ءَ را سرپد کت کہ پولینڈ ءُ اٹلی زوت پاکستانی سفارتی ءُ سرکاری پاسپورٹ دار آنی واستہ ویزہ ءِ لوٹ ھلاس کن اَنت۔ پاکستان ءِ امیگریشن ءُُ سیم سر ءِ ایمنی ءِ گنجائش ءُُ کارکردگی ءَ را گہتر کنگ ءِ واستہ زوتاں چہ زوت یورپی یونین ءَ یک منصوبگ پیش کنگ بیت۔ مزن وزیر ئَ وزیر ئِ تہی کار ئِ واھش آناں ساڑات۔ گند ءُ نند ءَ ملک ءِ اندری ءُ سرجمیں جاورانی بابت ءَ ھم گپ ءُ تران کنگ بوتگ ۔