مزن وزیر محمد شہباز شریف ءَ بحرین ءِ بادشاہ حمد بن عیسیٰ الخلیفہ ءَ گوں ٹیلی فون کتگ، اسرائیل ءُ ایران ءِ نیام ءَ انوگیں کش ءُ گوری ءُ میاں اوستمانی تک ءَ برجاھیں بحران ءِ بابت ءَ گپ ءُ تران

اسلام آباد۔ یکم مارچ (اے پی پی): مزن وزیر محمد شہباز شریف ءَ بحرین ءِ بادشاہ حمد بن عیسیٰ الخلیفہ ءَ را ٹیلی فون کتگ ءُ اسرائیل ءُ اسلامی جمہوریہ ایران ءِ نیام ءَ انوگیں کش ءُ گوری ءُ میاں اوستمانی تک ءَ ایران ءِ بحرین ءِ بادشاہی ءِ بازیں ملکانی سر ءَ بدلی اُرش آنی آسر ءَ برجاھیں بحران ءِ سر ءَ گپ ءُ تران کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ بحرین ءِ بادشاہ ءَ گوں گپ ءُ تران کنان ءَ مزن وزیر ءَ گوشت کہ اے وڑیں بے سوبیں زوراکی ءَ چہ جاور ھال گیش ھراب بنت ءُُ سرجمیں دمگ ءِ امن ءُُ ایمنی ءَ را ھترہ ءِ آماچ کن اَنت۔ مزن وزیر ءَ بحرین ءِ سروکی ءَ را دل یکیمی دات کہ پاکستان بحرین ءُُ ایندگر براتیں خلیج ءِ ملک آنی گوما مھکمیں رنگ ءَ اوشتاتگ ءُ اے گرانیں وھد ءَ گر ءُُ دار کنگ ءِ ضلورت ءِ سر ءَ زور پر دات۔ آئی ءَ میاں اوستمانی کانود ءِ بالادستی ءِ برجائی ءِ ضلورت ءِ سر ءَ زور پر دات ءُ اے گپ ءِ سر ءَ زور پر دات کہ پاکستان مدام امن ءِ کوشست آنی کمک ءِ واستہ جزم ءُ سرجمیں گل آناں سفارتکاری ءِ وسیلگ ءَ بحران ءِ گپ ءُ تران ءِ وسیلگ ءَ گیش ءُ گیوار کنگ ءِ سر ءَ زور پر دات۔