مزن وزیر محمد شہباز شریف ءَ میاں اوستمانی بحران ءِ تہا براتیں ملک بحرین ءِ الس ءِ گوما پاکستان ءِ بے مٹیں یکوئی ءِ درشانی

اسلام آباد ۔ یکم مارچ (اے پی پی): مزن وزیر محمد شہباز شریف ءَ میاں اوستمانی جیڈھ ءِ تہ ءَ براتیں ملک بحرین ءِ الس ءِ گوما پاکستان ءِ بے دروریں یکوئی ءِ درشانی کتگ۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ آئی ءَ بحرین ءِ شاہ حمد بن عیسیٰ الخلیفہ ءَ گوں گپ ءُُ تران کتگ ءُ میاں اوستمانی تک ءَ استیں جیڈھ ءِ وھد ءَ براتیں ملک بحرین ءِ الس ءِ گوما پاکستان ءِ بے دروریں یکوئی ءِ درشان کتگ۔ مزن وزیر ءَ گوشت کہ آئی ءَ بحرین ءَ وتی برات ءُ گھار آنی جان سلامتی ءُ ایمنی ءِ واستہ دعا کتگ ءُ خطہ ءَ امن ءُ ایمنی ءِ بحالی ءِ واستہ تحمل، میاں اوستمانی کانود ءِ احترام ءُ ترندیں گپ ءُ تران ءُُ سفارتکاری ءِ ضلورت ءِ سر ءَ زور پر داتگ۔