مزن وزیر محمد شہباز شریف ءَ سعودی ولی عہد ءُ مزن وزیر شہزادہ محمد بن سلمان ءَ را ٹیلی فون

لاہور۔ فروری (اے پی پی): مزن وزیر محمد شہباز شریف ءَ سعودی ولی عہد ءُ مزن وزیر شہزادہ محمد بن سلمان ءَ را ٹیلی فون کتگ ءُ ایران ءِ سر ءَ اسرائیل ءِ اُرش ءُ ایشی ءَ پد خلیج ءِ لھتیں ملک آنی سر ءَ بدبھتیں اُرش آنی سبب ءَ پیداکیں دمگی جیڑھ آنی سک باز مذمت کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ اے وڑیں گامگیج دمگ ءِ امن ءُُ ایمنی ءِ واستہ سک باز خطرناک انت ءُُ جاور ھال گیش ھراب بوت کن اَنت۔ مزن وزیر ءَ استیں جاور ھال آنی تہ ءَ سعودی سروکی ءَ گوں پاکستان ءِ سرجمیں یکوئی ءُ سرجمی ءَ کمک ءِ دل یکیمی دات ءُ گوشت کہ پاکستان ھمک جاور آنی تہ ءَ، ھمک وھد ءُُ ھمک گرانیں ساھت ءَ وتی سعودی برات ءُُ گھار آنی گوما ھمگرنچ بیت۔ آئی ءَ اے جزم ءِ یک رندے پدا گوشت کہ پاکستان سعودی عرب ءِ حاکمیت، ایمنی ءُُ سرزمین ءِ یکوئی ءِ رکھینگ ءِ واستہ وتی مھکمیں کمک ءَ را برجاہ دار ایت۔ مزن وزیر ءَ گوشت کہ پاکستان اے گرانیں موہ ءِ سر ءَ جوڑیشت ءُُ جوانیں کرد ءِ پیلو کنگ ءَ تیار اِنت۔ آئی ءَ دعا کت کہ رمضان ءِ مبارکیں ماہ ءِ برکت ءَ گوں زوتاں چہ زوت دمگ ءَ امن ءُ ایمنی ءُ ایمنی ءِ قیام بہ بیت۔