آپریشن سوئفٹ ریٹارٹ  ءِ ھپتمی سالروچ ءِ  پد  ءَ سرجمیں راج سلاہ بندیں اُرد ءِ دلیری، جنگی مزن جگری ءُ قربانی آناں سلام پیش کنت،   صدر آصف علی زرداری

اسلام آباد۔27فروری  (اے پی پی): صدر ءِ مملکت آصف علی زرداری ءَ گوشت کہ آپریشن سوئفٹ ریٹارٹ  ءِ ھپتمی سالروچ ءِ درگت ءَ سرجمیں راج وتی سلاھ بندیں اُرد آنی ھمت، فوجی مزن جگری  ءُ قربانی آناں سلام پیش کنت۔ جمعہ ءِ روچ ءَ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ 27فروری 2019ءَ بے سوبیں زوراکی ءِ لائکیں پسو دیگ ءَ پاکستان ءَ اے گپ ثابت کتگ کہ راجی وت واجہی ءِ سر ءَ ھچ وڑیں سوگند بوت نہ کنت۔ آئی ءَ گوشت کہ انچوش کہ آپریشن سوئفٹ ریٹلیشن ءَ رودرآتک ءَ چہ آیوکیں دژمن ءِ دنتان پرشگ بوتگ انت، باندا ھم روکپتی سیمسر ءَ ھم ھمے جزم ءُ دلیری ءِ درشان کنگ بیت۔ صدر آصف علی زرداری ءَ گوشت کہ پاکستان ءِ سیم سر آنی لگتمالی ءِ پسو چہ رودراتکی یا رودراتک ءَ بہ بیت، یک زبردستیں، ترندیں ءُ سرجمیں رد ءُ بند ءِ بیت۔ آئی ءَ گوشت کہ اے اوگانستان ءِ نمائندہ حکومت ءُ پاکستان ءَ کار کنوکیں درملکی کمک ءِ ناشرکاریں عناصر آنی اسپانسر آنی واستہ ھاسیں کلوہ انت کہ پاکستان وتی ایمنی ءُ شرپ ءِ رکھینگ ءَ ھچ وڑیں نپ ءِ آماچ نہ بیت۔ صدر ءِ مملکت ءَ گوشت کہ مئے سلاہ بندیں اُرد مدام بیم ءُ ھوپ  ءُ ھترہ ءِ دیم ءَ دارگ ءِ سرجمیں توان ءِ واھند اَنت۔ صدر آصف علی زرداری ءَ گوشت کہ پاکستان ءِ واھشت اِنت کہ پڑ ءَ ایمنی بہ بیت، بلے ایمنی چہ نزوری ءَ نہ بیت بلکیں توان ءِ متوازن ءُ ذمہ واری ءِ رنگ ءَ کارمرد کنگ ءَ چہ کیت۔ آئی ءَ گوشت کہ راج چو اینٹ آنی جوڑ کتگیں دیوال ءِ وڑ ءَ وتی بہادریں قوت آنی کش ءَ اوشتاتگ ءُ ھمک رنگ ءِ زوراکی ءِ ھلاپ ءَ یک مشت انت۔