کسے اے ردیں ھیال ءِ چیر ءَ مہ بیت کہ پاکستان ءَ را زور یا ھترہ ءِ سبب ءَ ترس ءُ بیم ءِ آماچ کنگ بیت، مئے سلاہ بندیں اُرد ءِ پسو ءِ توانائی جامع،  وھد ءُ موہ ءِ سر ءَ  جوانین پسو داتگ، صدر

اسلام آباد۔27فروری  (اے پی پی):‎ صدر آصف علی زرداری ءَ اے گپ پدر کتگ کہ کس اے ردیں لیکہ ءِ چیر ءَ مہ بیت کہ پاکستان ءِ سرا زور یا ھترہ ءِ سبب ءَ ترس ءُ بیم ءِ آماچ بیت، مئے سلاہ بندیں اُرد ءِ پسو ءِ توانائی سرجمیں، وھد ءِ سر ءَ ءُ کارآمد اِنت ءُ آھانی تہ ءَ دژمن ءِ بدیں نیت آناں چہ ھلاس کنگ ءِ سرجمیں توانائی ھست۔ جمعہ ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ مرچی پاکستان ءِ شرپداریں راج ءُ مئے بامردیں سلاہ بندیں اُرد وطن ءِ ایمنی ءُ آئی ءِ سیمسر آنی رکھینگ ءِ واستہ اینٹانی دیوال ءِ وڑ ءَ اوشتاتگ انت۔ ریاست پاکستان امن ءُ مھکم ءُ دمگی ایمنی ءِ سر ءَ ھچ وڑیں سوگند نہ کنت، کس ءَ اے ردیں ھیال مہ بیت کہ پاکستان چہ زور یا دھمکی ءَ ترس ءُ بیم ءِ آماچ بیت۔ صدر ءِ مملکت ءَ گوشت کہ مئے سلاہ بندیں اُرد آنی جواب ءِ صلاحیت ٹوھیں، وھد ءُ پاس ءِ سر ءَ ءُ پیسلہ کنوک اِنت ءُ ایشانی تہ ءَ دژمن ءِ بدیں نیتی آناں سرج کنگ ءِ سرجمیں صلاحیت است اِنت۔ ما جھد نہ لوٹیں بلے اگاں کسے پاکستان ءِ امن ءَ نزوری لیک ایت گڑا آئی ءَ را مھکمیں پسو رس ایت۔ صدر ءِ مملکت ءَ گوشت کہ  گوستگیں پنچ سال آنی تہ ءَ احسان فراموشیں طالبان رجیم  وتی    محسن پاکستان ءِ  ھلاپ ءَ  وتی ٹی ٹی پی ءِ ناشرکار  آنی  وسیلگ ءَ پاکستان ءِ سر ڈگار  ءَ ناشرکاری کاروائی آنی تہ ءَ دزگٹ اَنت۔  مئے دراہیں سفارتی جہد ءُ براتیں ملک اے ڈنگیں  ٹولی ءَ را راستیں راہ ءِ سرا آرگ ءَ بے سوب بوتگ انت۔ اے گرمار ءُ بزدلیں ٹولی ءَ چہ بنو القومی ءِ سیمسر ءَ چہ ٹپّ اِتگ ءُ پاکستان ءِ امن ءُ ایمنی ءَ چیلنج کتگ۔ آئی ءَ گوشت کہ پاکستان ءَ یک زمہ واریں ریاست ءِ بستار ءَ اے مجرمانہ گل ءَ را سفارتی چینل آنی وسیلگ ءَ ءُ براتیں ملک آنی کمک ءَ چہ اعتدال پسندی ءِ راہ ءَ آرگ ءِ واستہ ترندیں  کوشست کت بلے ھچ وڑیں جوانیں پیشرفت نہ بوت۔ سرکار ءَ 8 فروری ءَ اسلام آباد ءِ یک مسیتے ءِ سر ءَ وت کُشیں اُرش ءَ پد طالبان ءِ رژیم ءَ را یک ھاسیں ءُ مھکمیں ھال ءُ اھوالے داتگ ات ءُ پنچ روچ پیسر 22 فروری ءَ پدا ھمے گل ءَ را یک زھرناکیں پیغامے داتگ ات۔پاکستان سک شری ءَ زانت کہ زوراکی ءِ منصوبہ بند، آسراتی دیوک ءُ سرپرست کجا انت۔ اگاں ھون ریچی برجاہ بہ بیت گڑا زمہ واریں مردم  مئے دست ءَ نہ بنت۔