ماتیں وطن ءِ دیمپان ءِ سرا ہچ وڑیں سوگند نہ بیت، ھمک زوراکی ءَ را لائکیں پسو دیگ بیت، مزن وزیر شہباز شریف

اسلام آباد۔27فروری  (اے پی پی): مزن وزیر محمد شہباز شریف ءَ گشتگ کہ ماتیں وطن ءِ رکھینگ ءِ بابت ءَ ہچ وڑیں سمجھوتہ  کنگ نہ بیت، ھمک زوراکی ءَ را لائکیں پسو  دیگ بیت، پاکستان ءِ الس ءُ سلاہ بندیں اُرد ملک ءِ ایمنی، حاکمی ءُ علاقائی یکوئی ءِ رکھینگ ءِ ھاتر ءَ دائم ءَ ساڑی انت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستانی سلاہ بندیں اُرد ءِ جزم اِنت کہ آ ھچ وڑیں جاور ھال آنی تہ ءَ ملک ءِ امن ءُ ایمنی ءِ واستہ ھچ وڑیں ھترہ ءِ موہ نہ دنت، مئے سلاہ بندیں اُرد ءِ تہ ءَ ھرچ وڑیں زوراکیں نیت آناں ھلاس کنگ ءِ سرجمیں گنجائش ھست۔ مزن وزیر ءَ گوشت کہ پاکستانی سلاہ بندیں اُرد ءِ سروک اُرد ءُ دیمپانی اُرد ءِ سروک فیلڈ مارشل سید عاصم منیر ءِ سروکی ءَ وتی فرض ءَ را راجی جذبہ ءِ گوما پیلو کنگ ءَ انت۔ پاکستانی سلاہ بندیں اُرد ءِ جنگی توان، مزن تک ءِ انٹیلی جنس ءُ جوانیں دیمپانی حکمت عملی ءَ گوں لیس اِنت ءُ کجام ھم اندری یا دری چیلنج ءَ گوں گر ءُ چیل بوھگ ءِ سرجمیں توان ءِ واھند اِنت۔ پاکستان ءَ مدام امن ءِ دیمروئی کتگ بلے ملک ءِ ایمنی ءِ ھاترا ھچ وڑیں ھترہ ءِ موہ نہ دنت ءُ پاکستانی سلاہ بندیں اُرد ھرچ وڑیں زوراکی ءِ دیم ءَ دلجمی ءَ گوں دیم پہ دیم بیت۔ سرجمیں راج پاکستانی سلاہ بندیں اُرد ءِ کش ءَ اوشتاتگ۔