پاکستانی فوج ءَ اوگان طالبان ءِ بے سوبیں زوراکی ءِ سر ءَ سک ترند ءُ جوانیں رنگ ءَ پسو داتگ ، عطا اللہ تارڑ

اسلام آباد۔27فروری  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پاکستانی فوج ءَ اوگان طالبان ءِ بے سوبیں زوراکی ءِ سر ءَ سک ترند ءُ جوانیں رنگ ءَ پسو داتگ۔ پاکستانی اُرد ءَ گوں فوجی شور ءُ سلاہ ءُ شرتریں زانت ءُ زانشت ءَ ماتیں وطن ءِ دیمپان کتگ ءُ اوگان طالبان ءَ را ھلاس کتگ کہ ایشی ءَ چہ آ بے وس ءُ بے وس ءِ جاور ءَ کپتگ اَنت۔ پاکستان ءِ اے پسو انچو مھکم اِنت کہ اوگان طالبان سوشل میڈیا ءِ سر ءَ جعلی ھالانی سر ءَ زورگ ءَ مجبور بوتگ اَنت۔ یک میان استمانی نیوز چینل ءِ ھم اوگان طالبان ءِ جعلی ھال شنگ کنگ ءِ مجرم لیکگ بوتگ کہ رند ءَ آئی ءَ وتی ٹویٹ ڈیلیٹ کنگی بوتگ۔ پی ٹی وی ءَ گوں تران کنان ءَ وفاقی وزیر ءِ اھوالکاری ءَ گوشت کہ پاکستان ءِ جوابی اُرش ءَ چہ 72 اوگان طالبان بیران بوتگ اَنت، 120 ءَ چہ گیش ٹپی بوتگ اَنت، 16 پوسٹ تباہ بوتگ اَنت ءُ 7 پوسٹ ءِ سر ءَ قبضہ کنگ بوتگ۔ اے کارروائیانی تہا اوگان طالبان ءِ مزنیں سلاہانی ڈپو ءُ بٹالین ءِ ہیڈ کوارٹر ہم تباہ کنگ بوتگ۔ انوگ ءَ تاں اوگان طالبان ءِ 36 ءَ چہ گیش ٹینک، آرٹلری گنز  ءُ  آرمڈ پرسنز کیریئرز (اے پی سیز)  تباہ کنگ بوتگ انت۔ وفاقی وزیر ءِ اھوالکاری ءَ گوشت کہ پاکستان ءِ فضائیہ ءَ اوگانستان ءِ قندھار، کابل ءُ پکتیا ءَ اوگان طالبان ءِ دیمپانی تنصیبات نشانگ جوڑ کتگ اَنت۔ پاکستانی بالی اُرشانی کارروائیانی تہ ءَ قندھار ءَ اوگان طالبان ءِ دو بٹالین ءِ بنجاہی کارگس ءُ کابل ءَ یک بٹالین ءِ بنجاہی کارگس تباہ کنگ بوتگ۔ وفاقی وزیر برائے اھوالکاری ءَ گوشت کہ پاکستان ءِ سلاہ بندیں اُرد ءَ یک رندے پد ءَ اے گپ ثابت کتگ کہ ملک ءِ سر ءَ ھرچ وڑیں زوراکی یا نا شریں ارادہ ءِ گوں آہنی دست ءَ دیم پہ دیم کنگ بیت۔ آئی ءَ گوشت کہ پاکستانی راج وتی سلاہ بندیں اُرد ءِ گوما اوشتاتگ۔ مئے فورساں راج ءَ را شان داتگ۔ آئی ءَ گوشت کہ مزن وزیر محمد شہباز شریف ءَ پاکستان ءِ سلاہ بندیں اُرد ءِ فیلڈ مارشل سدا عاصم منیر ءِ کمانڈ ءِ چیر دستی ءَ وھد ءِ سر ءَ ءُ دلیری ءَ گوں پسو ءَ را ساڑاتگ۔ آئی ءَ گیش تران کت کہ پاکستان ءِ موقف پدر انت کہ پاکستان ءَ اُرشانی واستہ اوگان مٹی ءِ کارمرد کنگ نا منّگ بیت۔ اوگان سرزمین ءِ سر ءَ تربیت زوروکیں ناشرکار پاکستان ءَ ناشرکاری کار کن اَنت۔ وفاقی وزیر ءَ گوشت کہ پاکستان ءَ یک رندے پدا مرچی اے گپ پدر کتگ کہ اے وڑیں کارروائی یا بے سوبیں زوراکی ءِ پسو ھمے رنگ ءَ دیگ بیت۔