اسلام آباد۔27فروری (اے پی پی): پاک اوگانستان ءِ سیم سر ءَ اوگان طالبان حکومت ءِ بے سوبیں کارروائی ءِ سر ءَ پاکستان زوت ءُ موثر پسو دنت۔ پنچ شمبے ءِ روچ ءَ سوشل نیٹ ورکنگ پلیٹ فارم ”ایکس“ ءِ سر ءَ وزارت ءِ ھال ءُ اھوال ءُ شنگکاری ءِ نیمگ ءَ چہ داتگیں پوسٹ ءِ رد ءَ اوگان طالبان ءَ چہ ھیران ءُ ھیرانیں جاوراں خیبر پختونخوا ءِ پاکستان ءُ …
وزارت ءِ ااھوالکاری ءِ رد ءَ اوگان طالبان ءَ پاک اوگان سیمسر ءِ سر ءَ بے سوبیں کارروائی ءِ سر ءَ ترندیں ءُ جوانیں پسو داتگ
اسلام آباد۔27فروری (اے پی پی): پاک اوگانستان ءِ سیم سر ءَ اوگان طالبان حکومت ءِ بے سوبیں کارروائی ءِ سر ءَ پاکستان زوت ءُ موثر پسو دنت۔ پنچ شمبے ءِ روچ ءَ سوشل نیٹ ورکنگ پلیٹ فارم ”ایکس“ ءِ سر ءَ وزارت ءِ ھال ءُ اھوال ءُ شنگکاری ءِ نیمگ ءَ چہ داتگیں پوسٹ ءِ رد ءَ اوگان طالبان ءَ چہ ھیران ءُ ھیرانیں جاوراں خیبر پختونخوا ءِ پاکستان ءُ اوگانستان ءِ سیمسر ءِ بازیں جاھاں بے سوبیں تیرگواری ءِ حماقت کتگ ءُ پاکستان ءِ رد ءَ رد ءُ بند داتگ۔ چترال، خورال، محمند، کرم ءُ باجور ءِ شعبہ آں طالبان ءِ سرکاری اُرد ءِ سرا گڈگ ءَ سرجمیں پیمانہ ءِ جوابی اُرش کنگ بوہگ ءَ انت۔ بنداتی رپورٹانی رد ءَ اوگان نیمگ ءَ مزنیں تاوان ءِ پدر کنگ بوتگ ءُ آھانی بازیں چیک پوسٹ ءُ سامان تباہ بوتگ اَنت۔ پاکستان وتی دمگی ایمنی ءُ وتی شہری آنی ایمنی ءِ واستہ ھمک رنگ ءِ گامگیج چست کنت ۔
