اسلام آباد۔27فروری (اے پی پی): وفاقی وزیر تجارت جام کمال خان ءَ اوگانستان ءِ نیمگ ءَ بے سوبیں زوراکی ءِ سک باز مذمت کتگ ءُ گشتگ کہ شپ ءِ تہاری ءَ کنگ بوتگیں اے اُرش زوراکی ءُ بزدلی ءِ بے دروریں کارے ۔ اوگانستان ءِ نیمگ ءَ شہری آبادی ءَ را نشانگ جوڑ کنگ مذمت ءِ لائک اِنت ءُ میان اُستمانی کانود ءِ ھاسیں ھلاپ ورزی اِنت۔ یک گپ ءِ …
وفاقی وزیر تجارت جام کمال خان ءَ اوگانستان ءِ نیمگ ءَ بے سوبیں زوراکی ءِ سک باز مذمت
اسلام آباد۔27فروری (اے پی پی): وفاقی وزیر تجارت جام کمال خان ءَ اوگانستان ءِ نیمگ ءَ بے سوبیں زوراکی ءِ سک باز مذمت کتگ ءُ گشتگ کہ شپ ءِ تہاری ءَ کنگ بوتگیں اے اُرش زوراکی ءُ بزدلی ءِ بے دروریں کارے ۔ اوگانستان ءِ نیمگ ءَ شہری آبادی ءَ را نشانگ جوڑ کنگ مذمت ءِ لائک اِنت ءُ میان اُستمانی کانود ءِ ھاسیں ھلاپ ورزی اِنت۔ یک گپ ءِ تہ ءَ آئی ءَ گوشت کہ پاکستان وتی ایمنی ءُ وت واجہی ءِ سر ءَ سمجھوتہ نہ کنت۔ مزن وزیر محمد شہباز شریف ءِ سروکی ءَ حکومت راجی دیمپان ءِ واستہ جزمیگ انت۔ آئی ءَ گوشت کہ فیلڈ مارشل سید عاصم منیر ءِ سروکی ءَ سلاہ بندیں اُرد ءَ دژمن ءِ دیم ءَ جوانیں ءُ جزمیں پسو داتگ۔ مسلح افواج ءِ اردئی کزبی کار ءُ وھد ءُ موہ ءِ سر ءَ کاروائی ءِ سرا پھر ءِ لائک انت۔ آئی ءَ گوشت کہ سرجمیں وسیلگ ملک ءِ دیمپان ءُ الس ءِ رکھینگ ءِ واستہ کارمرد کنگ بنت۔
