ٹیکسٹائل ءُ اپیرل  ءِ برآمد کنوکاں وفاقی وزیر تجارت جام کمال خان ءَ گوں گند ءُ نند

اسلام آباد۔27فروری  (اے پی پی): ٹیکسٹائل ءُ پوشاک ءِ برآمد کنوکاں جمعہ ءِ روچ ءَ وفاقی وزیر تجارت جام کمال خان ءَ گوں گند ءُ نند کتگ۔ گند ءُ نند ءِ ساھت ءَ ٹیکسٹائل ءِ شوبگ ءَ دیم ءَ آیوکیں جیڈھ آنی سر ءَ ھیال ریچی کنگ بوت۔ گند ءُ نند ءِ تہ ءَ صنعت کار آنی نیمگ ءَ ٹیکس، گرانیں بجلی ءُ گیس ءِ سر ءَ جیڈھ ءِ درشان کنگ بوتگ۔ ڈل ءَ وفاقی وزیر برائے تجارت ءَ را گوشت کہ دیر ءَ چہ زرّ ءِ واپسی ءِ سبب ءَ برآمد کنوک مالی مشکلات ءِ آماچ انت۔ ایشاں برآمداتی آسراتی اسکیم ءِ تہ ءَ جیڈھ آنی گیواری ءِ واستہ یک تکنیکی کمیٹی ءِ جوڑ کنگ ءِ تجویز داتگ۔ جام کمال خان ءَ گوشت کہ ٹیکسٹائل ءِ شوبگ پاکستان ءِ برآمدات ءِ ھڈ اِنت، حکومت برآمد کنوک آناں ھمک رنگ ءِ آسراتی پجارین ایت۔ آئی ءَ گوشت کہ حکومت ءِ اولی ترجی شوبگ ءَ را مھکم کنگ ءُ ایشی ءِ مقابلہ ءِ توان ءَ را گیش کنگ اِنت۔ وزیر تجارت ءَ ڈل ءَ را ہدایت کت کہ آ نوکیں مارکیٹ آنی پٹ ءُ پول ءَ بہ کن انت ءُ ہائی اینڈ پروڈکٹس ءِ سر ءَ دلگوش بہ کن انت۔ جام کمال ءَ گوشت کہ حکومت ءُ صنعت ءِ نیام ءَ برجاھیں شور ءُ سلاھ برجاہ بیت، ءُ راجی برآمدات آنی تہ ءَ مزنیں گیشی ایوک ءَ یکجائی حکمت عملی ءِ گوما ممکن اِنت۔