اسلام آباد۔26فروری (اے پی پی): مزن وزیر محمد شہباز شریف ءَ منسحرہ ءَ فتنہ الخوارج ءِ حلاف ءَ آپریشن ءِ وھد ءَ سیکورٹی فورسز ءِ سروکی ءَ شہید بوتگیں لیفٹیننٹ کرنل شہزاد گل فراز شہید ءِ گس ءَ تر ءُ تاب کتگ ءُ وتی کھول ءَ گوں دلپدردی درشان کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ …
مزن وزیر محمد شہباز شریف ءَ فتنہ الخوارج ءِ حلاف ءَ آپریشن ءِ وھد ءَ شہید بوتگیں لیفٹیننٹ کرنل شہزاد گل فراز شہید ءِ گس ءَ تر ءُ تاب کتگ ءُ آئی ءِ کھول ءَ گوں دلپدردی ءِ درشان
اسلام آباد۔26فروری (اے پی پی): مزن وزیر محمد شہباز شریف ءَ منسحرہ ءَ فتنہ الخوارج ءِ حلاف ءَ آپریشن ءِ وھد ءَ سیکورٹی فورسز ءِ سروکی ءَ شہید بوتگیں لیفٹیننٹ کرنل شہزاد گل فراز شہید ءِ گس ءَ تر ءُ تاب کتگ ءُ وتی کھول ءَ گوں دلپدردی درشان کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ لیفٹیننٹ کرنل شہزاد گل فراز شہید ءِ مات ، زالبول ءُ زھگاں ھوار آئی ءِ کھول ءِ مردماں گوں گند ءُ نند کتگ ۔ مزن وزیر محمد شہباز شریف ءَ لیفٹیننٹ کرنل شہزادہ گل فراز شہید ءِ قبر ءِ سر ءَ زیارت کتگ ءُ فاتحہ پیش کتگ۔ مزن وزیر محمد شہباز شریف ءَ لیفٹیننٹ کرنل شہزادہ گل فراز شہید ءِ مزن برز کنگ ءِ دعا کتگ ءُ آئی ءِ کھول ءِ واستہ صبر ءُ اوپار ءِ دعا کتگ۔ مزن وزیر محمد شہباز شریف ءَ گوشت کہ لیفٹیننٹ کرنل شہزادہ گل فراز شہید ءَ دوستاریں وطن ءِ رکھینگ ءِ واستہ وتی سر ندر کتگ، آئی ءَ تمردی ءُ بہادری ءِ مزنیں مثال پیش کتگ، من ءَ ہوار سرجمیں راج مئے شہید ءُ آہانی ھاندان ءِ سر ءَ پھر کنت۔ آئی ءَ گوشت کہ پاکستانی راج وتی شہید آنی ءُ آھانی ھاندان ءِ قربانی آناں کدی شموشت نہ کنت، سرکار ءُ پاکستانی اُرد شھید آنی ھاندان ءِ سرجمی ءَ چار ءُ گزار ءَ کنت ۔ اے موہ ءِ سر ءَ مزن وزیر محمد شہباز شریف ءَ منسحرہ ءَ لیفٹیننٹ کرنل پرنس گل فراز شہید ءِ نام ءَ ڈنی اسکول ءِ جوڑ کنگ ءِ جار ھم جتگ۔ وفاقی وزیر عطا اللہ ترار، انجینئر امیر مقام، سردار محمد یوسف، مزن وزیر ءِ مشیر رانا ثناء اللہ، کیپٹن (ریٹائرڈ) محمد صفدار، مرتضی جاوید عباسی ءُ شاہجی گل آفریدی ھم مزن وزیر محمد شیبہ ءِ ھمراھی ءَ بوتگ اَنت۔
