پوسکن آ ٹیکنالوجی نا کمک اٹ انصاف نا نظام ءِ شفاف و گچین کننگ انگ ءِ، وزیر مملکت بیرسٹر عقیل ملک

اسلام آباد۔ 26 فروری (اے پی پی) کانود و انصاف نا وزیر مملکت بیرسٹر عقیل ملک پارے کہ حکومت انصاف نا نظام اٹ بھلو اصلاحات اس اتنگ کن پوسکن آ ٹیکنالوجی آن پبی فائدہ ہرفنگ اٹی ءِ تانکہ عدالتی کارروائی ءِ پین شفاف ، گچین و الس دوست جوڑ کننگ مرے۔ دا خیال آتا درشانی ءِ او اسلام آباد اٹی اڈ ہلوک پاکستان گورننس فورم 2026آن تران کرسا کرے ۔او پارے کہ حکومت کانودی و عدالتی نظام اٹ ڈیجیٹل اصلاحات نا کمک اٹ الس ءِ وخت آ و آسان انصاف نا فراوانی ءِ پک کننگ اٹی ءِ۔ اونا پاننگ ئس کہ پاکستان کوڈانا کمک اٹ کانود اسکان رسینگ ءِ عام کننگانے، وخت اس کہ دستاویزی و ذخیرہ جاتی نظام نا رداٹ  176 سال آ تالان کانود سازی نا ریکارڈ ءِ ڈیجیٹل وڑاٹ رکھ کننگانے۔وزیر مملکت پارے کہ مقدمہ غاتا درجہ بندی ، گچین بست وبند و کیس فلو مینجمنٹ سسٹم نا نفاذ اٹ عدالتی کارروائی ءِ پوسکن آ دور انا گرج آتون ہم گرنچ کننگ انگ ءِ۔ او پارے کہ جہانی ثالثی و مصالحتی مرکز نا جوڑ کننگ آن گیگ بدل جھیڑہ ئی ایسری نا نظام ءِ سوگوی و عدالت آتیا بھاریم ءِ کم کننگ اٹ کمک رسینگک۔ او پارے کہ ڈیجیٹل شواہد نا قبولیت و ویڈیو لنک نا کمک اٹ سماعت کون آ اصلاحات ہم درستی راستی کرفنگانےہرافتا مسخت عدالتی عمل ءِ ترند کو آسان کننگ ءِ۔ بیرسٹر عقیل ملک نا پاننگ ئس کہ دا غٹ گام گیج آک اقوامِ متحدہ نا پائیدار شونداری ہدف 16 تون ہم گرنچ ءُ و و سرکار اسہ شفاف ، جوابدہ و الس دوست نظامِ انصاف نا جوڑ کننگ کن سنبرینگوک ءِ ۔