اسلام آباد۔ 26 فروری (اے پی پی)بنجائی سیکرٹری مذہبی امور و بین المذاہب ہم گرنچی، ڈاکٹر ساجد محمود چوہان روچہ مبارک نا آخیریکوعشرہ ٹی محفلِ شبینہ نا بست وبند آتا پارت کرینے۔ڈاکٹر ساجد محمود چوہان نا کماشی ٹی بڑزکو کہول نا ادارہ جاتی دیوان اس اڈ ہلک، ہراٹی روچہ مبارک نا آخیریکو عشرہ ٹی مروک آ روایتی و پروقار "محفلِ شبینہ" نا بست وبند آتا سرجمی اٹ جاچ ءِ ہلنگا۔ …
بنجائی سیکرٹری مذہبی امور ڈاکٹر ساجد محمود چوہان نا کماشی ٹی دیوان اٹی محفلِ شبینہ نا اڈتننگ نا تیاری تا جاچ ءِ ہلنگا
اسلام آباد۔ 26 فروری (اے پی پی)بنجائی سیکرٹری مذہبی امور و بین المذاہب ہم گرنچی، ڈاکٹر ساجد محمود چوہان روچہ مبارک نا آخیریکوعشرہ ٹی محفلِ شبینہ نا بست وبند آتا پارت کرینے۔ڈاکٹر ساجد محمود چوہان نا کماشی ٹی بڑزکو کہول نا ادارہ جاتی دیوان اس اڈ ہلک، ہراٹی روچہ مبارک نا آخیریکو عشرہ ٹی مروک آ روایتی و پروقار "محفلِ شبینہ” نا بست وبند آتا سرجمی اٹ جاچ ءِ ہلنگا۔ دیوان اٹی ضلعی انتظامیہ، پولیس تون اوار ایلو تعلقدار ادارہ غاتا نمائندہ غاک بشخ ہلکر، و سیکورٹی تون اوار ایلو گڑاتے جوان وڑاٹ پورو کننگ نا عزم انا درشانی ءِ کریر۔بنجائی سیکرٹری ڈاکٹر ساجد محمود چوہان دا مبارک دود انا تیاری تے تخوک آ وخت آ پورو کننگ نا پارت کرے ۔ بنجائی سیکرٹری دا عزم انا درشانی ءِ کرے کہ محفلِ شبینہ نا دا روایت ءِ مذہبی جوش و جوزہ اتون برقرار تخنگک تانکہ الس دا برکت والا عشرہ نا سعادت آتیان پورو فائدہ ہرفنگ کیر۔
