مزن وزیر شہباز شریف ءِ گشگ انت کہ پاکستان ءُ قطر براتی سیادی ءَ را دوئیں نیمگ ءَ فائدگ مندیں اقتصادی شریکداری ءَ بدل کن انت

دوحہ ۔24فروری  (اے پی پی):مزن وزیر شہباز شریف ءَ گوشت کہ پاکستان ءُ قطر براتی سیادی ءَ را وت مہ وتی سیت مندیں اقتصادی شریکداری ءِ تہ ءَ بدل کت کن اَنت۔ اے ھیالانی درشانی آئی ءَ قطر ءِ امیر شیخ تمیم بن حمد الثانی ءَ گوں گند ءُ نند ءِ ھوالگ ءَ ”ایکس“ ءِ سر ءَ وتی کلوہ ءِ تہ ءَ کت۔ مزن وزیرءَ گوشت کہ دوحہ ءَ امیر قطر ءُ منی گران بھائیں برات شیخ تمیم بن حمد الثانی ئِ گوما منی گوں سک باز جوانیں گند ءُ نند بوتگ۔ اے موہ ءِ سر ءَ نائب مزن وزیر ءُ دری کارانی وزیر سینیٹر اسحاق ڈار ءُ چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ھم ساڑی بوتگ اَنت۔ مزن وزیر ءَ گوشت کہ آھانی سک باز وشیںءُ پائدگ مندیں گپ ءُ تران ءِ تہ ءَ اے گپ ءِ سر ءَ دلگوشی دیگ بوت کہ دوئیں ملک وتی براتی سیادی ءَ را چوں گیش دیم ءَ برگ ءُ وت مہ وتی سیت پائدگ ءِ اقتصادی شریکداری ءِ تہ ءَ بدل کنگ بوت کن اَنت۔ آئی ءَ گوشت کہ گند ءُ نند ءَ ما دمگ ءِ سرجمیں جاور ھال آنی سر ءَ ھم چار ءُ تپاس کت۔ مزن وزیر ءَ گوشت کہ پڑ ءَ ءُ ایشی ءَ چہ ڈن ءَ امن ءُ ایمنی ءِ واستہ پاکستان ءُ قطر مدام کمک ءَ کن اَنت۔