جنوبی ایشیا ءِ تہ ءَ پائیداریں استحکام جموں ءُ کشمیر ءِ جیڈھ ءِ منصفانہ گیواری ءِ سر ءَ بندوک اِنت، پاکستان ءِ دری پالیشی امن، گپ ءُ تران ءُ اقتصادی کمک ءِ دیمروئی ءِ سر ءَ بندوک اِنت، نائب مزن وزیر سینیٹر محمد اسحاق ٖڈار ءَ پاکستان گورننس فورم 2026 ءَ گشتانک

اسلام آباد۔25فروری  (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ جنوبی ایشیا ءِ پائیدار برجائی جموں ءُ کشمیر ءِ جیڈھ ءِ انصاف ءِ گیواری ءِ سر ءَ بندوک اِنت، پاکستان ءِ دری کارانی پالیشی ءِ بنیات راج ءِ ایمنی ءِ رکھینگ ءِ ھوار اقتصادی کمک، گپ ءُ تران ءِ دیمروئی ءِ سر ءَ اِنت۔ اے ھیالانی درشانی آئی ءَ چار شمبے ءِ روچ ءَ پاکستان گورننس فورم 2026 ءَ گوں گشتانک دیان ءَ کت۔ پاکستان ءِ دفاعی صلاحیت ءَ را پدر کنان ءَ نائب مزن وزیر ءَ گوشت کہ پاکستان ءِ تہ ءَ اے صلاحیت ءَ جزم است انت کہ آ ھرچ وڑیں زوراکی ءِ سر ءَ سرجمیں ءَ فیصلہ کنوکیں پسو ءَ بہ دنت، البت سفارتکاری پاکستان ءِ ریاستی حکمت عملی ءِ مستریں وسیلگ ءِ رنگ ءَ برجاہ بیت۔ سینیٹر محمد اسحاق ٖڈار ءَ یک رندے پدا گوشت کہ جنوبی ایشیا ءَ پائیداریں استحکام جموں ءَ کشمیر ءِ جیڈھ ءِ انصاف ءِ گیواری ءِ سر ءَ بندوک اِنت کہ اے اقوام متحدہ ءِ سیادی داروکیں سلامتی کونسل ءِ گیواری ءَ کشمیری الس ءِ واھشت آنی رد ءَ بہ بیت۔ آئی ءَ گوشت کہ پاکستان جیڈھ آناں ایمنی ءِ گوما گیش ءَ گیوار کنگ ءِ واستہ جزمیگ انت۔ نائب مزن وزیر ءَ دری کارانی وزیر ءَ اے ھم لوٹ کتگ کہ بھارت 5اگست 2019 ءَ ناجائزیں رنگ ءَ مقبوضہ جموں ءَ کشمیر ءَ وتی یک نیمگی کارروائی آناں پد ءَ بہ کنت۔آئی ءَ گوشت کہ چین ءِ گوما پاکستان ءِ ہر موسم ءِ اسٹریٹجک کوآپریٹو شریکداری گیش مھکم بوھگ ءَ اِنت، وھدیکہ امریکہ ءِ گوما سیادی ٹیکنالوجی ءَ سرمایہ کاری ءَ چہ گیش دفاع ءَ گیش بوھگ ءَ اِنت۔ آئی ءَ گوشت کہ بنگلہ دیش، میاں اوستمانی ملک ءَ خلیج ءِ ملک آنی گوما دمگی ملک آنی گوما مزن تک ءِ رابطہ ءَ اقتصادی کمک ءِ وسیلگ ءَ سیادی ءَ را گیش مھکم کنگ بوھگ ءَ انت۔ نائب مزن وزیر ءَ اقتصادی سفارتکاری ءَ را پاکستان ءِ دری پالیشی ءِ بنجاھی ستون ءِ رنگ ءَ گوشت کہ سرمایہ کاری، انفارمیشن ٹیکنالوجی، معدنیات، توان ءَ صنعت ءِ شوبگ آنی سر ءَ دلگوشی دیگ ءَ راجی دیمروئی ءَ وشھالی ءَ را دل یکیمی کنگ بوھگ ءَ اِنت۔ پاکستان ءِ 2025-26 ءِ مدت ءِ واستہ اقوام متحدہ ءِ سلامتی کونسل ءِ غیر دائمی باسک ءِ بستار ءَ گچین بوھگ ءِ حوالہ ءَ نائب مزن وزیر ءَ دری کارانی وزیر ءَ گوشت کہ اے سوبمندی پاکستان ءِ اصولی ءَ تعمیری سفارتکاری ءِ سر ءَ میاں اوستمانی براتی ءِ بھروسہ ءِ درشان اِنت۔