وزیر داخلہ محسن نقوی ءَ باجوڑ  ءَ پولیس اسکواڈ ءِ سر ءَ تیرگواری ءِ مذمت کتگ ، شہید آنی توسیپ ءُ ستا

اسلام آباد۔25فروری  (اے پی پی):وفاقی وزیر داخلہ محسن نقوی ءَ باجور ءَ پولیس اسکواڈ ءِ سر ءَ تیر گواری ءِ وئیل ءِ سک باز مذمت کتگ۔ وزیر داخلہ ءَ وتی فرض ءِ پیلو کنگ ءِ وھد ءَ وتی جان نمیرانیں پولیس کارندہ آناں شگر ءَ منت گپت ءَ گوشت کہ آہانی قربانی بے سوب نہ بیت۔ وتی بیان ءِ تہ ءَ محسن نقوی ءَ شہید آنی گس آنی گوما دلپدردی ءِ درشانی کتگ ءُ اُرش ءَ ٹپی بوتگیں افسر ءِ زوت جان سلامتی ءِ دعا کتگ۔ پولیس ءِ کارندہ آں فرض ءِ ردا وتی سر ندر کتگ انت، سرجمیں راج اے دلادریں زھگاں سلام انت ۔