پاکستان گورننس فورم 2026 ءِ برجم دارگ ءِ مول ءُ مراد ایش انت کہ آؤکیں اقتصادی دیمروئی ءِ ھاتر ءَ کار ءِ لائک ءُ جوانیںیں راہ ءُ درانی شوہازگ بہ بیت، احسن اقبال

اسلام آباد۔25فروری  (اے پی پی):منصوبگ بندی، دیمروئی ءَ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان گورننس فورم 2026 ءِ برجم دارگ ءِ مول ءَ مراد ایش بوتگ کہ آیوکیں اقتصادی دیمروئی ءِ واستہ کار ءَجوانیں گیواری ءِ شوھازگ بہ بیت۔ گپ ءُ تران، ماہرین ءِ لیکہ ءُ پالیسی گپ ءُ تران ءَ پد اے وڑیں گامگیج پیش کنگ بوھگ ءَ انت کہ ملک ءَ را برجمیں دیمروئی ءِ راہ ءَ راھشونی کن انت۔ آئی ءَ اے ھیالانی درشانی پاکستان گورننس فورم ءَ گوں تران کنان ءَ کت کہ ایشی ءِ بنگپ ’’ یوران پاکستان ءِ واستہ گورننس ءِ دوبر تصور کنگ‘‘ اِنت۔ فورم ءِ تہ ءَ فدرال ءَ صوبائی نمائندگ، پالیسی ءِ کارندہ، نجی شعبہ ءِ سروک ءَ مدنی چاگرد ءِ باسکاں بہر زرتگ۔ وفاقی وزیر ءَ گوشت کہ جوانیں حکومت داری ھاسیں مول ءَ مراد آنی ٹھینگ ءَ ایشانی سر ءَ سر بوھگ ءِ واستہ عملی گامگیج کنگ ءَ چہ جوڑ بیت۔ نیکیں حکومت داری ءِ نظام میرٹ، شفافیت ءَ راج ءِ وشحالی ءِ سرا بندوک بہ بیت۔ دیمروئی ءِ سفر ریاستی ادارگ آنی کارکردگی ءِ تہ ءَ گہتری ءَ پالیشی آنی برجائی ءَ گوں ایوک ءَ ممکن اِنت۔ احسن اقبال ءَ گوشت کہ اودان پاکستان ھم ھمے وژن ءِ چیر دستی ءَ بندات کنگ بوتگ، ایشی ءَ چہ ملک ءِ معیشت ءِ زندگ کنگ ءَ پائیدار بنیات آنی سر ءَ جوڑ کنگ ءِ واستہ یک سرجمیں فریم ورک ءِ پجارینگ بیت۔ آئی ءَ گوشت کہ گوستگیں دو سال آنی تہ ءَ حکومت ءَ جوانیں اقتصادی پالیشی آنی وسیلگ ءَ ملک ءَ را دیوالیہ ءِ ھترہ ءَ چہ کش اِتگ ءَ اقتصادی برجائی ءِ بنیات ایر کتگ۔ آئی ءَ اے جزم ءِ یک رندے پدا گوشت کہ اگاں اصلاحاتی ایجنڈا ءَ را سرجمیں گنجائش ءَ جوانیں راجی یکوئی ءِ گوما دیم ءَ برگ بہ بیت گڈا پاکستان ءَ 2035 ءَ تاں کھرب ڈالر ءِ معیشت جوڑ بوھگ ءِ گنجائش است انت۔