اسلام آباد۔ 25 فروری (اے پی پی)بنجائی وزیر پٹرولیم علی پرویز ملک پارے کہ حکومت نا توانائی نا بشخ اٹی اصلاحات نا سوب آن ملکی و درملکی زرکارآتا پت بحال مننگ اٹی ءِ و پاکستان پٹرولیم و گیس نا بشخ اٹی سوگوی نا کنڈ آ ہننگ اٹی ءِ ۔چارشنبے نا دے آ "پاکستان گورننس فورم 2026" نا وخت آ ’’اے پی پی‘‘ تون ہیت و گپ کرسا او پارے …
حکومت نا توانائی نا بشخ اٹی اصلاحات نا سوب آن ملکی و درملکی زرکارآتا پت بحال مننگ ءِ، بنجائی وزیر پٹرولیم علی پرویز ملک
اسلام آباد۔ 25 فروری (اے پی پی)بنجائی وزیر پٹرولیم علی پرویز ملک پارے کہ حکومت نا توانائی نا بشخ اٹی اصلاحات نا سوب آن ملکی و درملکی زرکارآتا پت بحال مننگ اٹی ءِ و پاکستان پٹرولیم و گیس نا بشخ اٹی سوگوی نا کنڈ آ ہننگ اٹی ءِ ۔چارشنبے نا دے آ "پاکستان گورننس فورم 2026” نا وخت آ ’’اے پی پی‘‘ تون ہیت و گپ کرسا او پارے کہ توانائی نا بشخ ءِ مون ترو ک بنداوی ویل آک مسکوہی حکومت آن میرات اٹی ملانو، ولے ساڑی آ حکومت مشکل و بہادرانہ فیصلہ کرسا حالیت آتے گچین کننگ نا کوشست کرینے۔اونا پاننگ ئس کہ اینو ترک پٹرولیمو آذربائیجان نا سرکاری آئل کمپنی "سوکار” پاکستان اٹی زرکاری ٹی است خواہی نشان تننگ اٹی ءُ، ہرا مارکیٹ آ پت انا درشانی ءِ ۔ بنجائی وزیر پارے کہ جہانی ریٹنگ ایجنسیک مالیاتی ادارہ غاک پاکستان نا گام گیج آتے مثبت نظر اٹ ہُننگ اٹی ءُ۔
