وزیرِ خزانہ محمد اورنگزیب نا جہانی بینک انا کنٹری ڈائریکٹر تون اوڑدہی ٹی گپ وتران

اسلام آباد۔ 25 فروری (اے پی پی)بنجائی وزیرِ خزانہ و محصولات محمد اورنگزیب آبادی نا نظم و نسق و موسمیاتی بدلی کون آ بشخ آتیٹی جہانی بینک نا کنٹری پارٹنر شپ فریم ورک آ جوان عملدرآمد نا اہمیت آ زور شاغسا پارینے کہ پالیسی سازی و ڈٹ آتیاعملدرآمد اٹی ہم گرنچی کن بنجا  و صوبہ غاتا نیام اٹی سوگو رابطہ بھاز المی ءِ ۔ او دا ہیت ءِ چار شنبے نا دے آ داڑے پاکستان اٹی جہانی  بینک انا کنٹری ڈائریکٹر بولورما آماگابازار تون اوڑدہی ٹی پارے۔اوڑدہی ٹی جہانی بینک انا کنٹری پارٹنرشپ فریم ورک نا رداٹ کمک ءِ پین سوگو کننگ و حکومتِ پاکستان نا اہم انگا اصلاحاتی اولیت آتے مون آ دننگ آ گپ وتران کننگا۔ گپ وتران اٹی آبادی و انسانی شونداری، موسمیاتی بدلی تون مون تننگ نا حکمتِ عملی، کشاری بشخ اٹی اصلاحات، توانائی نا بشخ انا گچینی و برجا ڈٹ آتا کارکڑد کون آ اہم امور آک اوار ئسر۔وزیرِ خزانہ خاص وڑاٹ آبادی نا نظم و نسق و موسمیاتی بدلی نا بشخ آتیٹی کنٹری پارٹنر شپ فریم ورک آ جوان وڑاٹ عملدرآمد نا اہمیت آ زور شاغا۔ او پارے کہ پالیسی سازی و ڈٹ آتیا عملدرآمد اٹی ہم آہنگی کن بنجا و صوبہ غاتا نیام اٹی سوگو رابطہ المی ءِ ۔ او پیدوار کرے کہ دُن تو زیات تر عملدرآمد صوبائی کہول آ مریک، ولے تعلقدار بنجائی وزارت آتا ڈٹ بندی ، چاروکی و جاچ انا عمل اٹی پورو شمولیت المی ءِ تانکہ قومی کہول آ یکسوئی و زمو اری ءِ پک کننگ مرے۔اوڑدہی ٹی ہڑتوم آکنڈ آن ادارہ جاتی رابطہ غاتے گچین کننگ، ڈٹ آتا تیاری، ہدف آتا تعین اٹی شفافیت ءِ ودفنگ و رزلٹ آتا گچین دوئی کننگ کن چاروکی  نا نظام ءِ سوگو کننگ آ ہم گپ وتران کننگا۔