صنعت و پیداوار نا خصوصی کمکار ہارون اختر خان نا کماشی ٹی سمیڈا نا ایس ایم ای کلسٹرز نا دیوان

اسلام آباد۔ 25 فروری (اے پی پی)وزیرِاعظم نا خصوصی کمکار صنعت و پیداوار ہارون اختر خان نا کماشی ٹی سمال اینڈ میڈیم انٹرپرائزز ڈویلپمنٹ اتھارٹی (سمیڈا) نا ایس ایم ای کلسٹرز نا اسہ بڑزکو کہولی دیوان اس مس۔ دا دیوان اٹی سی ای او سمیڈا، ایڈیشنل سیکرٹری اسد اسلام مہنی، بورڈ ممبر آک، چیمبرز آف کامرس اینڈ انڈسٹری و جتا بشخ آتیان تعلق تخوک آ ایس ایم ای کلسٹرز نا نمائندہ غاک بشخ ہلکر۔دیوان آن ہیت کرسا ہارون اختر خان پارے کہ ساڑی آ "ایس ایم ای ایکسپو” اسہ اہم ءُ مزل نا نشان اس جوڑ مسنے و بروک آ وخت اٹی ہم کلسٹر زآتیکن باقاعدگی اٹ نمائش اڈ تننگک۔ او پارے کہ وزیرِاعظم شہباز شریف نا پارت ءِ کہ غٹ ایس ایم ای کلسٹر آتے اسہ ایلو تون منسلک کرسا اوفتے آسراتی و کاروباری وارخواہی فراوان کننگے۔ایس ایم ای کلسٹر نا نمائندہ غاک بروک آ ایکسپو نا بارواٹی تینا سلاہ و فیڈبیک پیش کریر و جوان ءُ ایکسپو اس اڈ تننگ آ حکومت و سمیڈا نا ستاءِ کریر۔ نمائندہ غاتا پاننگ ئس کہ نمائش آتے سال اٹی ارا وار آن زیات جتا جتا شار تیٹی اڈ تننگے تاکہ زیات آن زیات کاروباری ادارہ غاتے برانڈنگ نا موقع ملے ۔ ہارون اختر خان پارے کہ پاکستان نا شاد و زیتون نا تیل جہانی آب اناءُ و اوفتے جہانی برانڈ جوڑ کننگ مریک۔ او دا ہیت آ زور شاغا کہ "میڈ اِن پاکستان” نا گڑاتے نمائش نا کمک اٹ مون آ اتنگے و ہر ڈیہہ اٹی ہندن ءُ سرجزاڈ تننگے۔دیوان اٹی سالٹ مائننگ ءِ پوسکن آ وڑتتون ہم گرنچ کننگ کن اسہ جامع ءُ ڈٹ بندی اسے آ ہم امنا کننگا۔ خصوصی کمکار پارت کرے کہ سمیڈا غٹ کلسٹر زآتون پدریسہ رابطہ ٹی سلے، ویل آتا ایسری کن عملی گام گیج سلاہ ایتے و اسہ پورو ءُ رپورٹ اس پیش کے۔