اسلام آباد۔ 25 فروری (اے پی پی) وزیراعظم محمد شہباز شریف اِرا دے ئی قطر انا دورہ ءِ پورو کرسا وطن آ پدی سرمس۔ دورہ ٹی او قطر انا امیر شیخ تمیم بن حمد الثانی،و قطر انا وزیراعظم و وزیر خارجہ شیخ محمد بن عبدالرحمن بن جاسم الثانی تون اوڑدہی کرے۔اوڑدہی تیٹی نائب وزیراعظم اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم …
وزیراعظم شہباز شریف اِرا دے ئی قطر انا دورہ ءِ پورو کرسا وطن آ پدی سرمس
اسلام آباد۔ 25 فروری (اے پی پی) وزیراعظم محمد شہباز شریف اِرا دے ئی قطر انا دورہ ءِ پورو کرسا وطن آ پدی سرمس۔ دورہ ٹی او قطر انا امیر شیخ تمیم بن حمد الثانی،و قطر انا وزیراعظم و وزیر خارجہ شیخ محمد بن عبدالرحمن بن جاسم الثانی تون اوڑدہی کرے۔اوڑدہی تیٹی نائب وزیراعظم اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، بنجائی وزیر حوالکاری و شینکاری عطاء اللہ تارڑ و وزیراعظم نا خصوصی کمکار طارق فاطمی ئسک ہم اوار ئسر۔وزیراعظم قطر انا نائب وزیراعظم ووزیر مملکت دفاعی امور شیخ سعود بن عبدالرحمن بن حسن بن علی الثانی تون ہم اوڑدہی کرے، وخت اس کہ قطر بزنس مین ایسوسی ایشن(کیوبی اے) نا ڈل وزیراعظم تون ملا ہرا نا کماشی ءِ ایسوسی ایشن نا چیئرمین شیخ فیصل بن قاسم الثانی کرے ۔وطن آ بننگ آن مست دوحہ نا کنگ حمد بین الاقوامی بالی پٹ آ قطر انا کونسل آف منسٹرز نا باسک سلطان بن سعد بن سلطان المریخی، قطر اٹی تعینات پاکستان نا سفیر محمد عامر و سفارتی عملہ ئسک وزیراعظم ءِ رخصت کریر۔
