صدر آصف علی زرداری ءَ کویت ءِ سروک ءَ را راجی روچ ءُ ہالہ فروری  ءِ مراگش ءِ مبارک بات داتگ

اسلام آباد۔25فروری  (اے پی پی): صدر آصف علی زرداری ءَ کویت ءِ راجی روچ ءِ وشیں موہ ءِ سر ءَ صدر آصف علی زرداری ءَ کویت ءِ راجی روچ ءِ وشیں موہ ءِ سر ءَ دل ءِ جہلانکی ءَ چہ مبارک بات دات۔ چار شمبے ءِ روچ ءَ صدر ءِ ایوان ءِ پریس ونگ ءِ رد ءَ صدر ءِ مملکت ءَ گوشت کہ اے مراگش کویت ءِ امیر ءِ کوھنیں سروکی ءَ کویت ءِ راج ءِ یکجائی، یکوئی ءُ مُدامی دیمروئی ءِ آدینک انت۔ صدر ءِ مملکت ءَ امیر کویت ءَ وتی نمدی ءِ تہ ءَ پاکستان ءُ کویت ءِ نیام ءَ گہتریں سیادی آنی سر ءَ زور پر دات ءُ گوشت کہ اے سیادی وت مہ وتی بھروسہ، یکجائی اقدار ءُ دمگی امن ءُ وشھالی ءِ واستہ یکجائی عزم ءِ سر ءَ بنیات اِنت۔ آئی ءَ گوشت کہ دوئیں ملک آنی نیام ءَ برات ءِ سیادی تجارت، سرمایہ کاری، انفارمیشن ٹیکنالوجی، دفاعی کمک ءُ مردم ءَ را رابطہ ءِ وڑیں جتا جتائیں ھاسیں شوبگ آنی تہ ءَ مُدام دیمروئی کنگ ءَ انت۔ صدر آصف علی زرداری ءَ کویت ءَ زندگیں پاکستانی کمیونٹی ءَ را دوئیں ملک آنی نیام ءَ یک ھاسیں پُل ءِ رنگ ءَ گوشت کہ کویت ءِ دیمروئی ءِ تہ ءَ جوانیں کرد پیلو کنگ ءَ اِنت ءُ دوئیں راج آنی نیام ءَ سیادی آناں گیش مھکم کنگ ءَ اِنت۔ آئی ءَ وتی جزم ءِ یک رندے پدا گوشت کہ کویت ءِ دیمروئی ءُ وشھالی ءِ سفر ءِ گوما پاکستان دوئیں براتیں ملک آنی یکجائی نپ آنی واستہ دو نیمگی کمک ءَ را گیش دیم ءَ برگ ءَ انت۔ صدر ءِ مملکت ءَ امریکہ ءُ کویت ءِ جان سلامتی ءُ وشھالی، کویت ءِ اُلس ءِ برجاھیں وشھالی ءُ پاکستان ءُ کویت ءِ نیام ءَ براتی سیادی ءِ دائمی مھکم کنگ ءِ واستہ وتی نیکیں واھگ آنی درشان کت۔