سپیکر   راجی اسمبلی ءَ کوہاٹ ءَ فتنہ الخوارج ءِ ناشرکارانی نیمگ ءَ پولیس ءِ موبائل ءِ سر ءَ اُرش  ءَ را  مذمت

اسلام آباد۔25فروری  (اے پی پی): سپیکر قومی اسمبلی سردار ایاز صادق  ءَ کوہاٹ ءِ شکردرہ  روڈ کوہاٹ ءَ فتنہ الخوارج ناشرکار آنی نیمگ ءَ پولیس ءِ موبائل ءِ سر ءَ اُرش ءِ مذمت کنان ءَ ڈی ایس پی اسد محمود خان  ءَ ھوار ھپت ھمردم آنی جانی تاوان بار ءِ پد ءَ  رنج ءُ گم ءِ درشانی کتگ۔ چار شمبے ءِ روچ ءَ وتی مذمت ءِ تہ ءَ آئی ءَ شہید ڈی ایس پی اسد محمود خان، سب انسپکٹر انار گل، ھڈو کانسٹیبل وہاب علی، کانسٹیبل مدثر  ءُ کانسٹیبل سید  عامر عباس ءَ را شگر ءُ منت گپت ءُ شہید آنی کھول آنی گوما دل ءِ تہ ءَ ھمدردی ءُ دلپدردی ءِ درشانی کت۔ آئی ءَ گوشت کہ سرجمیں راج شہیدانی گس ءِ غم ءُ اندوہ ءَ شریک انت۔ ھما شہید کہ ناشرکاراں گوں جنگ ءِ وھد ءَ وتی جان ندر کتگ اَنت مئے شان اَنت، پولیس ءِ موبائلاں نشانگ کنگ پدریں ناشرکاری ءُ بزدلی ءِ کارے، ناشرکاریں عناصر ءَ گوں اسلام، پاکستان ءُ انسانیت ءَ ھچ وڑیں سیادی نیست، مئے دین ءَ ھچ وڑیں بے گناھیں مردمے ءِ کُشگ ءِ اجازت نیست۔ قومی اسمبلی ءِ صدر ءَ ناشرکاری اُرش ءَ ٹپی بوتگیں پولیس کارندہ آنی زوت جان سلامتی ءِ دعا کتگ۔ آئی ءَ گوشت کہ سرجمیں راج وتی بامرد ءُ پولیس کارندہ آنی قربانی ءَ را سلام انت ۔ مئے شہیدانی ہون بے سوب ءَ ریچگ نہ بنت۔ ناشرکاری ءِ آفت ءِ ھلاپ ءَ جنگ ءِ ھاترا سرجمیں راج ءُ کانود ءِ نفاذ ءِ ادارگ آنی جزم بے مٹ اِنت۔ ناشرکاریں عناصر ءِ ھلاپ ءَ کارروائی داں ھما وھد ءَ برجاہ مان انت داں ملک ءَ امن ءُ ایمنی ءِ جار جنگ مہ بیت۔ قومی اسمبلی ءِ صدر ءَ شہیدانی رِتک برز کنگ ءُ غم ءِ آماچیں کھول ءِ واستہ صبر ءُ اوپار ءِ دعا لوٹ اِت۔