اسلام آباد۔25فروری (اے پی پی): وفاقی آمید گس ءَ سندھ ءِ وانگ ءُ زانگ ءِ محکمہ ءَ زالبولیں استاد رابیل بھٹوجی ءِ پوسٹنگ ءِ معاملہ ءِ گوشدارگ ءِ وھد ءَ ایشی ءَ را ضلعی بھرتی کمیٹی ءَ را چار ءُ تپاسی ءِ واستہ روان داتگ۔ چار شمبے ءِ روچ ءَ کیس ءِ گوشدارگ ءِ ساھت ءَ جسٹس روزی خان ءَ ٹپاس کت کہ اے کنٹریکٹ ءِ کار بوتگ ءُ …
وفاقی آمید گس ءَ سندھ ءَ زالبولیں استاد ءِ گچین کنگ ءِ معاملہ ءَ را سیادی داروکیں کمیٹی ءَ دیم داتگ
گیشتریں ھال
اسلام آباد۔25فروری (اے پی پی): وفاقی آمید گس ءَ سندھ ءِ وانگ ءُ زانگ ءِ محکمہ ءَ زالبولیں استاد رابیل بھٹوجی ءِ پوسٹنگ ءِ معاملہ ءِ گوشدارگ ءِ وھد ءَ ایشی ءَ را ضلعی بھرتی کمیٹی ءَ را چار ءُ تپاسی ءِ واستہ روان داتگ۔ چار شمبے ءِ روچ ءَ کیس ءِ گوشدارگ ءِ ساھت ءَ جسٹس روزی خان ءَ ٹپاس کت کہ اے کنٹریکٹ ءِ کار بوتگ ءُ اے معاملہ ءَ چہ 15سال گوستگ ءُ اے گپ زانگ نہ بیت کہ سیادی داروکیں منصوبگ روان اِنت یا نہ۔ ایڈووکیٹ صلاح الدین ءَ درخواست گزار ءِ نیمگ ءَ پیش بوھگ ءَ دلیل داتگ کہ آئی ءِ موکل استعفیٰ ءِ باوجود نوکری ءَ چہ زبھر کنگ بیت۔ آئی ءَ آمید گس ءَ گْوشتگ کہ کنٹریکٹ ٹیچر آنی گچین کنگ ءِ منصوبگ انگت ءَ برجاہ اِنت ءُ آئی ءِ موکل گوستگیں شانزدہ سال ءَ چہ انصاف ءِ جنگ ءَ اِنت۔ جسٹس حسن اظہر رزوی ءَ ٹپاس کت کہ اگاں اے کنٹریکٹ ءِ کار بوتگ ءُ منصوبہ انگت است انت گڑا امیدوار ءِ نام ءِ سرا ھیال ءُ لیکہ کنگ بہ بیت۔ استادانی پوسٹ مُدام ہالی کپگ ءَ انت ءُ سندھ ءِ اسکولانی جاور درستانی دیم ءَ انت۔ آئی ءَ گوشت کہ لھتیں جاگہ ءَ پگار ءِ سر ءَ استاد ھم است انت۔ آمید گس ءَ درستیں دلیلانی گوشدارگ ءَ پد زالبولیں استادانی گچین کنگ ءِ معاملہ ءِ سرا ھیال ءُ لیکہ ءِ ھاتر ءَ سیادی داروکیں ضلعی بھرتی کمیٹی ءَ دیم داتگ۔
