معاون خصوصی برائے صنعت و پیداوار ہارون اختر خان   ءِ سروکی ءَ سمیڈا ءِ ایس ایم ای کلسٹرز ءِ دیوان

اسلام آباد۔25فروری  (اے پی پی): کسانیں ءُ میاں اوستمانی کاروباری ادارگ ءِ دیمروئی اتھارٹی ءِ ایس ایم ای کلسٹرز ءِ مزن تک ءِ دیوان ءِ سروکی ءَ مزن وزیر ءِ صنعت ءُ تجارت ءِ ھاسیں کمکار ہارون اختر خان ءِ سروکی ءَ برجم دارگ بوت، ایشی ءِ تہ ءَ صنعت ءُ تجارت ءِ ھوالگ ءَ مزن وزیر ءِ ھاسیں کمکار ھارون اختر خان ءِ سروکی ءَ برجم دارگ بوت۔ کامرس اینڈ انڈسٹری ءُ جتا جتائیں شعبہ آں چہ ایس ایم ای کلسٹرز ءِ نمائندگاں بہر زرتگ۔ دیوان ءَ گوں تران کنان ءَ ہارون اختر خان ءَ گوشت کہ گوستگیں ایس ایم ای ایکسپو ملک ءِ واستہ یک ھاسیں سنگ میل ءِ رنگ ءَ ثابت بوتگ ءُ آیوکیں وھد ءَ ھم کلسٹر آنی واستہ باقاعدہ نمائش آنی برجم دارگ بیت۔ مزن وزیر شہباز شریف ءَ ہدایت کتگ کہ توامیں ایس ایم ای کلسٹر آناں یکجا کنگ بہ بیت ءُ آناں آسراتی ءُ کاروباری موہ پجاری کنگ بہ بنت۔ ایس ایم ای کلسٹرز ءِ نمائندگاں آیوکیں ایکسپو ءِ ھوالگ ءَ وتی سوج ءُ ھیال ءُ لیکہ ءِ درشان کنگ ءِ وھد ءَ حکومت ءُ سامڈکا ءَ را سوبمندیں ادارگ ءِ ھاتر ءَ شگر ءُ منت گپت۔ نمائندگاں گوشت کہ اے نمائش سالے ءَ دو رند ءَ چہ گیش جتا جتائیں شھر آنی تہ ءَ برجم دارگ بہ بیت تانکہ گیش ءَ چہ گیش کاروباری ادارگ آناں نمائش ءُ برانڈنگ ءِ موہ رس ایت۔ ہارون اختر خان ءَ گوشت کہ پاکستان ءِ شہد ءُ زیتون ءِ تیل ءِ جھان ءِ ارزشت ءِ ھست انت ایشی ءَ را یک میاں اوستمانی برانڈ جوڑ کنگ بوت کنت۔ آئی ءَ اے گپ ءِ سر ءَ زور پر دات کہ ”میڈ ان پاکستان“ ءِ چیز آناں نمائش آنی وسیلگ ءَ برجا کنگ بہ بیت ءُ ھمک دمگ ءَ ورکشاپ آنی برجم دارگ بہ بیت۔ گند ءُ نند ءَ نوکیں لیکہ آنی سر ءَ نمک ءِ کان کنی ءِ دیمروئی ءِ واستہ یک سرجمیں منصوبگ ءِ سر ءَ ھم تپاک کنگ بیت۔ ھاسیں کمکار ءَ ہدایت کت کہ ایس ایم ڈی جے اے ءَ را درستیں کلسٹر آنی گوما مدام رابطہ برجم دارگ بہ بیت، جیڈھ آنی گیواری ءِ واستہ عملی گامگیج آناں سوج دیگ بہ بیت ءُ یک سرجمیں رپورٹ پیش کنگ بہ بیت۔ آئی ءَ گوشت کہ خیبر پختونخوا ءَ بجلی ءِ لوڈ شیڈنگ ایس ایم ایز ءِ واستہ یک مزنیں جیڈھ ءِ انت، ایشی ءَ را زوت گیواری کنگ لوٹ ایت۔ زیتون ءِ تل ءِ کلسٹر ءَ را کسٹم ءِ دیم ءَ اتکگیں رکاوٹانی زوتیں گیشواری ءِ یقین دہانی کنگ بوتگ۔ ہارون اختر خان ءَ وتی جزم ءِ درشان کت کہ مزن وزیر ءِ وژن ءِ رد ءَ ایس ایم ای ءِ شوبگ ءَ را بااختیار کنگ ءَ چہ ’’میڈ ان پاکستان‘‘ ءِ پروڈکٹس ءَ را جھان ءِ تک ءَ دیم ءَ آرگ بیت۔