اسلام آباد۔25فروری (اے پی پی): مزن وزیر محمد شہباز شریف قطر ءِ دو روچی تر ءُ تاب ءِ سرجم کنگ ءَ پد وطن ءَ واتر بوتگ۔ تر ءُ تاب ءِ وھد ءَ آئی ءَ قطر ءِ امیر شیخ تمیم بن حمد الثانی ءُ قطر ءِ مزن وزیر ءُ درئی کارانی وزیر شیخ محمد بن عبدالرحمن بن جاسم الثانی ءَ گوں گند ءُ نند کت۔ گند ءُ نند آنی تہ …
مزن وزیر شہباز شریف قطر ءِ دو روچی تر ءُ تاب ءَ پد وطن ءَ واتر بوتگ
اسلام آباد۔25فروری (اے پی پی): مزن وزیر محمد شہباز شریف قطر ءِ دو روچی تر ءُ تاب ءِ سرجم کنگ ءَ پد وطن ءَ واتر بوتگ۔ تر ءُ تاب ءِ وھد ءَ آئی ءَ قطر ءِ امیر شیخ تمیم بن حمد الثانی ءُ قطر ءِ مزن وزیر ءُ درئی کارانی وزیر شیخ محمد بن عبدالرحمن بن جاسم الثانی ءَ گوں گند ءُ نند کت۔ گند ءُ نند آنی تہ ءَ نائب مزن وزیر اسحاق ڈار، چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر، وفاقی وزیر اھوالکاری ءُ شنگ کاری عطاء اللہ تارڑ ءُ مزن وزیر ءِ ھاسیں کمکار طارق فاطمی ھم ھوار اتنت۔ مزن وزیر ءَ قطر ءِ نائب مزن وزیر ءُ دفاعی کارانی وزیر مملکت شیخ سعود بن عبدالرحمن بن حسن بن علی الثانی ءَ گوں ھم گند ءُ نند کتگ وھدیکہ قطر ءِ بزنس مین ایسوسی ایشن (کیو بی اے) ءِ ڈل ءَ مزن وزیر ءَ گوں گند ءُ نند کتگ ایشی ءِ سروکی ءَ ایسوسی ایشن ءِ چیئرمین شیخ فیصل بن قاسم الثانی بوتگ۔ وتی ملک ءَ روگ ءَ پیسر مزن وزیر ءَ را دوحہ ءِ کنگ حمد ءِ میاں اوستمانی بالی پٹ ءَ قطر ءِ ممبر کونسل آف منسٹرز سلطان بن سعد بن سلطان المریخی ، قطر ءَ پاکستان ءِ سفیر محمد عامر ءُ سفارتی کارندہ آں یلہ داتگ۔
