کوہاٹ ءَ فتنہ الخوارج ءِ ناشرکارانی نیمگ ءَ پولیس ءِ وین ءِ سر ءَ اُرش ءِ مذمت ءَ راجی اسمبلی ءِ اسپیکر سردار ایاز صادق ءَ مذمت کتگ

اسلام آباد۔24فروری  (اے پی پی):راجی اسمبلی ءِ اسپیکر سردار ایاز صادق ءَ کوہاٹ ءَ فتنہ الخوارج ءِ ناشرکارانی نیمگ ءَ پولیس وین ءِ سر ءَ اُرش ءِ سک باز مذمت کتگ ۔ سئے شمبے ءِ روچ ءَ وتی مذمتی بیان ءِ تہ ءَ آئی ءَ ڈی ایس پی لاچی ءُ پولیس ءِ ایندگر کارندہ آنی بیرانی ءِ سر ءَ سک باز رنج ءُ گم ءِ درشانی کتگ۔ اسپیکر سردار ایاز صادق ءَ شہید ڈی ایس پی لاچی، انسپکٹر انار گل خان، بندوق بردار، وانوک ءُ ڈرائیور ءَ را شگر ءُ منت گپت ءُ گوشت کہ پولیس وین ءِ سر ءَ اُرش بزدل ءُ مذمت ءِ کارے، ناشرکاریں عناصر راج ءِ حوصلہ ءَ را جہل کت نہ کن اَنت، سرجمیں راج پولیس ءِ ایمنی ءِ واستہ اوشتاتگ۔ آئی ءَ گوشت کہ ڈی ایس پی لاچی ءَ ھوار 5 کارندہ آنی قربانی بے سوب نہ روت، راج ءَ را مدام پولیس ءُ سیکورٹی فورسز ءِ قربانی یات بنت۔ آئی ءَ گوشت کہ امن ءِ دژمن انصاف ءِ دیم ءَ آرگ بنت، ءُ ناشرکاری ءِ ھلاپ ءَ راج ءِ بے دروریں جزم ھما وھد ءَ تاں ناشرکاری ءِ سرجمی ءَ ھلاس کنگ نہ بیت۔ راجی اسمبلی ءِ اسپیکر سردار ایاز صادق ءَ ٹپیگانی زوت جان سلامتی ءِ دعا کتگ ءُ شہیدانی کھول ءِ گوما دلپدردی ءِ درشانی کتگ ءُ گشتگ کہ شہیدانی کھول ءِ غم ءَ یک پیم ءَ شریک آں ۔ اسپیکر قومی اسمبلی ءَ چہ اللہ تعالیٰ ءَ دعا کت کہ شہیدانی پڑ برز بہ بنت ءُ آہانی کہول ءَ را صبر ءُ اوپار بہ دنت۔