پی ٹی آئی ءِ بانی ءِ جان سلامتی پیسر ءَ چہ شرتر اِنت، نوکیں طبی رپورٹ دلبڈین  اَنت، وفاقی وزیر ءِ قانون ءُ انصاف

اسلام آباد۔24فروری  (اے پی پی): وفاقی وزیر کانود ءُ انصاف اعظم نذیر تارڑ ءَ گشتگ تحریک انصاف ءِ بانی ءِ جان سلامتی پیسر ءَ چہ گہتر انت ءُ انوگیں میڈیکل رپورٹ دلبڈین  اَنت ۔ آئی ءَ سئے شمبے ءِ روچ ءَ ایوان بالا ءَ گوں تران کنان ءَ گوشت کہ سرجمیں طبی چکاس ءَ پد کارڈیالوجسٹ ءُ ایندگر ھاسیں ڈاکٹر آنی نیمگ ءَ ای سی جی ءَ ھوار جتا جتائیں ٹیسٹ کنگ بوتگ اَنت کہ آھانی رپورٹ آنی رد ءَ ھچ وڑیں طبی جیڈھ گندگ نہ بوتگ۔ آئی ءَ گوشت کہ پروفیسر آف میڈیسن  ءَ میڈیکلی  چار ءُ تپاسی ءَ  پد  سرجمیں طبی  کارروائی دلجم گوشتگ اَنت ءُ دلجمیں رپوٹ شوہازتگ، ایشی ءَ پد   آئی ءَ را پدا جیل ءَ شفٹ کنگ بوتگ  چیاکہ ہسپتال ءَ داخلہ ءِ ھچ ضلورت نہ بوتگ۔ اے گپ پاکستان انسٹی ٹیوٹ آف میڈیکل سائنسز ءِ ایگزیکٹو ڈائریکٹوریٹ ءَ چہ سرجمیں ھال زورگ ءَ پد جار جنگ بوتگ۔ اعظم نذیر تارڑ ءَ گوشت کہ اے معاملہ ءَ پریشان بوھگ ءِ گپ نیست انت۔ آئی ءَ اے گپ ءِ پدرائی کت کہ سپریم کورٹ ءَ انسٹی ٹیوٹ ءِ دائرہ کار ءِ تہ ءَ وتی کرد پیلو کتگ ءُ حکومت ءَ آمید گس ءِ پنت ءُشون ءِ رد ءَ ڈاکٹرانی بورڈ جوڑ کتگ۔ آئی ءَ گوشت کہ اجرائیہ آئین ءُ کانود ءِ رد ءَ وتی اختیار آں کارمرد کنگ ءَ انت۔ آئی ءَ گوشت کہ ھرچ زندانی ءَ را ملک ءَ روان دیگ یا یلہ کنگ اگزیکٹو ءِ امتیاز نہ اِنت بلکیں آمید گس آنی امتیاز اِنت۔ چونکہ آ جیلی آئی ءِ کیس ھم قانون ءِ رد ءَ ءُ دگہ شہریانی وڑ ءَ گوشدارگ بنت۔ آئین ءِ آرٹیکل 25ءِ حوالہ ءَ آئی ءَ گشتگ کہ کانود ءِ دیم ءَ درستیں شہری برابر اَنت ءُ اگدہ ءُ لوٹ ءِ بنیاد ءَ کس ءَ گوں حاصیں سلوک دیگ نہ بیت۔ وزیر کانود ءَ سیاسی سروکی ءِ سر ءَ زور پر دات کہ پارلیمنٹ ھما فورم ءِ ھساب ءَ اِنت، ءُ جیڈھ عدلیہ ءِ دائرہ کار ءِ تہ ءَ گیش ءُ گیوار کنگ بہ بنت۔ آئی ءَ سلاہ بندیں اُرد ءَ را سیاست ءَ چہ دور دارگ ءِ ضلورت ءِ سر ءَ ھم زور پر دات ءُ گوشت کہ اُرد ملک ءِ سیمسر آنی رکھینگ ءَ گوں بندوک اَنت ءُ سرجمیں راج ایشانی سر ءَ پھر کنت۔ فلسطین ءُ جھان ءِ کار آنی ھوالگ ءَ آئی ءَ گوشت کہ مزن وزیر شہباز شریف ءَ میاں اوستمانی دیوان آنی تہ ءَ بھر زوری ءِ ساھت ءَ پاکستان ءِ موقف ءِ موثر رنگ ءَ پدر کت کہ ایشی ءَ را درملکی محاذ ءِ سر ءَ مزنیں گامگیج ءِ رنگ ءَ گشگ بوت کنت۔