وفاقی وزیر تجارت جام کمال خان ءَ گورنر بلوچستان ءَ گوں گند ءُ نند کتگ، وت مہ وتی نپ ءِ جیڈھانی سرا گپ ءُ تران کنگ بوت

کوئٹہ۔24فروری  (اے پی پی): وفاقی وزیر تجارت جام کمال خان ءَ گورنر گس بلوچستان ءَ گورنر بلوچستان جعفر خان مندوخیل ءَ گوں گند ءُ نند کت۔ گند ءُ نند ءَ وت مہ وتی نپ ءُ سیت ءِ بنگپانی سر ءَ گپ ءُ تران بیت ایشی ءِ تہ ءَ بلوچستان ءِ سرجمیں جاورھال ءُ دمگی ءُ راجی معاملہ ھم ھوار اَنت۔ دوئیں بامرد آنی تہ ءَ دیمروئی ءِ گامگیج، گورننس ءِ جیڈھ ءُ صوبگ ءِ تہ ءَ استحکام ءُ اقتصادی دیمروئی ءِ جوڑیشت ءِ واستہ ھمگرنچیں کوشست آنی ارزشت ءِ سر ءَ گپ ءُ تران کت۔ جام کمال خان ءَ وفاقی حکومت ءِ تجارت ءِ دیمروئی ءُ سرمایہ کاری ءِ آسراتی ءِ وسیلگ ءَ بلوچستان ءِ دیمروئی ءِ کمک ءِ عزم ءِ سر ءَ زور پر دات وھدیکہ گورنر منڈوخل ءَ صوبگ ءِ اقتصادی ءُ سیاسی ندارگ ءَ را مھکم کنگ ءِ واستہ دوئیں نیمگ ءَ چہ فائدگ مندیں گامگیج آنی ضلورت ءِ سر ءَ زور پر دات۔ دوئیں بامرداں بلوچستان ءِ وشھالی ءُ دیمروئی ءِ واستہ یکجائی ءَ دیم ءَ کار کنگ ءِ جزم ءِ درشان کت۔