وزارت دینی و وزارت آئی ٹی ءِ نیام ءَ ‘حج ڈیجیٹلائزیشن’ ءِ ھاتر ءَ منوگری ءِ سرا دستخط کتگ

اسلام آباد۔24فروری  (اے پی پی): مزن وزیر شہباز شریف ءِ وژن ءُ ھاسیں پنت ءُشون آنی رژنائی ءَ حج ءِ کاروائی آناں سرجمی ءَ نوک کنگ ءِ نیمگ ءَ مزنیں گامگیج ءِ تہ ءَ وفاقی وزارت مذہبی کار ءُ وفاقی وزارت حج ڈیجیٹلائزیشن ءِ نیام ءَ یک تپاک نامہ ءِ سر ءَ دستخط کنگ بوتگ۔ اے منصوبگ ءِ چیر دستی ءَ حج 2027 ءِ درستیں پڑ درخواست ءِ رسید ءَ چہ واتر بوھگ ءَ تاں سرجمی ءَ ڈیجیٹل کنگ بنت۔ مذہبی امور ءِ وفاقی وزیر سردار محمد یوسف ءَ اے موہ ءِ سر ءَ گوشت کہ مزن وزیر ءِ گور ءَ یک ھاسیں پنت ءُشون ءِ است ات کہ آیوکیں حج ءِ واستہ سرجمیں عمل ءَ را آسان ءُ شفاف کنگ بہ بیت۔ آئی ءَ گوشت کہ سعودی عرب ءَ وتی حج ءِ توامیں کار آناں پیسر ءَ چہ ڈیجیٹل کتگ، مئے گامگیج ءَ چہ میاں اوستمانی مول ءُ مراد آنی سرجمی ءَ کمک رسیت ءُ زیارتی آناں جوانیں آسراتی پجاری بنت۔ آئی ٹی ءُ ٹیلی کمیونیکیشن ءِ وزیر مملکت شازہ فاطمہ خواجہ ءَ گوشت کہ دوئیں وزارت آنی نیام ءَ اے منوگری ءَ پد حج ءِ درخواست ءَ چہ پد درستیں معاملہ ڈیجیٹل کنگ بنت۔ اے نوکیں نظام ءَ چہ کار ءِ رفتار گیش بیت ءُ انسانی ردی یا تاخیر ءِ خطرہ ھلاس بیت۔ تپاک نامہ ءِ سر ءَ ڈی جی نیشنل انفارمیشن ٹیکنالوجی بورڈ ڈاکٹر خالد رفقا ءُ مشترکہ سیکرٹری حاج محمد بخش سنگی ءَ دستخط کتگ۔ اے موہ ءِ سر ءَ دوئیں وزیر ساڑی بوتگ اَنت۔ مراگش ءَ وفاقی سیکرٹری مذہبی امور ڈاکٹر ساجد محمود چوہان ءُ سیکرٹری آئی ٹی زرار ہاشم خان ءَ ھم بہر زرتگ ات۔ اے تپاک نامہ ءِ چیر دستی ءَ حج 2027 ءِ واستہ ’’اینڈ ٹو اینڈ‘‘ ڈیجیٹلائزیشن سسٹم ءِ بندات کنگ بوھگ ءَ اِنت، ایشی ءِ چیر دستی ءَ حج ءِ درخواست فارم ءِ عمل ڈیجیٹل کنگ بیت۔ لاٹری ءِ تہا سوبمند بوتگیں خوش قسمتیں مردماں ”اولی اتکگیں ، اولی رند ءَ رسگ“ ءِ بنیاد ءَ ای میل ءِ وسیلہ ءَ فوراً سرپدی دیگ بیت۔ سعودی عرب ءَ حج ءِ تربیت ءِ شیڈول، حاضری، پرواز ءِ منصوبہ، ویزا، ویکسینیشن، ءُ جاہ ءُ ٹرانسپورٹ ءِ سرجمیں ھال ءُ اھوال موبائل ایپ ءِ وسیلگ ءَ دیگ بنت۔