اسلام آباد۔24فروری (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ حکومت ءَ عمران خان ءِ دومی چم ءِ آپریشن ءِ واستہ درستیں کانود ءُ انسانی لوٹ پیلو کتگ ءُ آئی ءَ را سکیں سیکورٹی بندوبست ءِ رد ءَ پمز ءَ دیم داتگ۔ سئے شمبے ءِ روچ ءَ یک وضاحت ءِ تہ ءَ آئی ءَ گوشت کہ ڈاکٹر آنی پنت ءُشون ءِ رد ءَ …
حکومت ءَ عمران خان ءِ دومی چم ءِ آپریشن ءِ ھاتر ءَ درستیں قانونی ءُ انسانی لوٹ پیلو کتگ انت، ڈاکٹر طارق فضل چوہدری
گیشتریں ھال
اسلام آباد۔24فروری (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ حکومت ءَ عمران خان ءِ دومی چم ءِ آپریشن ءِ واستہ درستیں کانود ءُ انسانی لوٹ پیلو کتگ ءُ آئی ءَ را سکیں سیکورٹی بندوبست ءِ رد ءَ پمز ءَ دیم داتگ۔ سئے شمبے ءِ روچ ءَ یک وضاحت ءِ تہ ءَ آئی ءَ گوشت کہ ڈاکٹر آنی پنت ءُشون ءِ رد ءَ اولی کارروائی ءَ پد آئی ءِ جاور ھال ءَ گہتری اتکگ، ایشی ءِ پد ءَ اسپیشلسٹ ڈاکٹر ءَ دومی کارروائی ءِ سفارش کتگ۔ مرچی اے کارروائی سوبمندیں رنگے ءَ سرجم بیت ءُ میڈیکل ٹیم ءِ کلیئرنس ءَ پد آئی ءَ را پدا اڈیالہ ءَ دیم دیگ بیت۔ عمران خان ءَ را دیم ءِ انجکشن 24مارچ ءَ دیگ بیت آئی ءَ گوشت کہ کانود ءِ رد ءَ ھمک شہری ءَ را دوا ءُ درمان ءِ آسراتی پجاری کنگ ریاست ءِ ذمہ واری اِنت ءُ اے معاملہ ءَ ھم سرجمیں بندوبست شفاف ءُ رھبندانی رد ءَ کنگ بوتگ۔
