دوحہ۔ 24 فروری (اے پی پی) وزیراعظم محمد شہباز شریف و قطرا نا وزیر مملکت بیرونی واپار ڈاکٹر احمد بن محمد السید نا نیام اٹ اسہ اہم ءُ اوڑدہی اس مس، ہراٹی پاکستان و قطر انا نیام اٹ واپار، زرکاریو صنعتی کمکاری ءِ پین سوگو کننگ نا عزم انا درشانی ءِ کرسا ہڑتوم آ ملک آتا تعلقدار کمامدارآتیا تالان ٹاسک فورس انا دیوان اس بٹنگ آ امنا کرینو ہراٹی …
وزیراعظم محمد شہباز شریف و قطرانا وزیر مملکت بیرونی واپار ڈاکٹر احمد بن محمد السید نا پاکستان و قطر انا نیام اٹ واپار، زرکاری و صنعتی کمکاری ءِ پین ودفنگ نا اسیجائی عزم انا درشان
گیشتریں ھال
دوحہ۔ 24 فروری (اے پی پی) وزیراعظم محمد شہباز شریف و قطرا نا وزیر مملکت بیرونی واپار ڈاکٹر احمد بن محمد السید نا نیام اٹ اسہ اہم ءُ اوڑدہی اس مس، ہراٹی پاکستان و قطر انا نیام اٹ واپار، زرکاریو صنعتی کمکاری ءِ پین سوگو کننگ نا عزم انا درشانی ءِ کرسا ہڑتوم آ ملک آتا تعلقدار کمامدارآتیا تالان ٹاسک فورس انا دیوان اس بٹنگ آ امنا کرینو ہراٹی پاکستان اٹ قطری زرکاری کن جوان و پبی سلاہ تیا سجفنگک ۔ سے شنبے نادے آ وزیراعظم آفس نا میڈیا ونگ انا کنڈ آن جاری مروک آ بیان نا رِد اٹ قطرا نا وزیر مملکت بیرونی واپار ڈاکٹر احمد بن محمد السید وزیراعظم محمد شہباز شریف تون اوڑدہی کرے۔ اوڑدہی ٹی نائب وزیراعظم و وزیر خارجہ اسحاق ڈار، بنجائی وزیر حوالکاری و شینکاری عطاء اللہ تارڑ و وزیراعظم نا خصوصی کمکار طارق فاطمی ئسک ہم ساڑی ئسر۔ ڈاکٹر احمد بن محمد السید، ہرا پاکستان-قطر جوائنٹ بزنس ٹاسک فورس اناچیئرمین ہم ارے ، اوڑدہی ٹی او ہڑتوم آ کنڈآتا واپار ی و اقتصادی کمکاری نا جاچ ءِ ہلکر و پاکستان قطر تعلقداری ٹی ودوک آ رفتار آ است جمی نا درشانی ءِ کریر۔ وزیراعظم شہباز شریف ہڑتوم آ کنڈآتا واپاری کچ ءِ ودفنگ و قطر ءِ پاکستان نا برآمدات خاص وڑاٹ کشاری گڑا، کن و خور نا گڑاو ویلیو ایڈڈ گڑاتا برآمد آتے متنوع کننگ نا اہمیت آ زور شاغا۔ ہڑتوم آ فریق آک پاکستان ۔ قطر اسیجائی وزارتی کمیشن نا شش میکو دیوان نا فالواپ آ گپ وتران کریر و طے مروک فیصلہ غاتیا عملدرآمد نا عزم انا درشانی ءِ کریر۔ وزیراعظم پاکستان نا زرکاردوست اصلاحات و درملکی زرکاری ءِ آسان جوڑ کننگ اٹ خصوصی زرکاری سہولت کونسل نا کڑد ءِ ہم مون آ تخا۔ ڈاکٹر احمد بن محمد السید اقتصادی کمکاری ءِ ودفنگ و ہڑتوم آملک آتا نیام اٹ نجی بشخ و کاروباری رابطہ ءِ سوگو کننگ اٹ قطر انا است خواہی نا درشانی ءِ کرے۔ ہڑتوم آ فریق آک روچہ مبارک اٹی ہڑتوم آملک آتا تعلقدار کمامدارآتیا تالان ٹاسک فورس اسے نا دیوان ءِ بٹنگ آ ہم امنا کریر ہراٹی پاکستان اٹی قطری زرکاری کن پبی و زرکاری نا سلاہ تیا گپ وتران کننگک۔ اوڑدہی ٹی پاکستان و قطر انا نیام اٹ واپار، زرکاری و صنعتی کمکاری ءِ پین گہرا کننگ نا اسیجائی عزم آ زور شاغنگا۔
