پاکستان و چین نا نیام اٹ ہڑتوم آ کنڈآتا واپار نا کچ اٹی برجامالی سال اٹی نمان ودکی

اسلام آباد۔ 24 فروری (اے پی پی) پاکستان و چین نا نیام اٹ ہڑتوم آ کنڈآتا واپار نا کچ اٹی برجامالی سال اٹی نمان ودکی مسنے ۔ مالی سال نا اولیکو 7 تُو اٹی چین ءِ پاکستان نا برآمداتاٹی سالانہ بنداو تیا کمتی وخت اس کہ چین آن درآمداتاٹی ودیکی ریکارڈ کننگانے ۔سٹیٹ بینک و پی بی ایس نا کنڈآن جاری مروک آ حساب و کتاب نا رداٹ مالی سال نا اولیکو 7 تُو اٹی پاکستان و چین نا نیام اٹ ہڑتوم آ کنڈآتا واپار نا کچ 12.564 ارب ڈالر ریکارڈ کننگا، ہرا تدوک آ مالی سال نا ہندا وخت نا کچ آن 21 فیصد زیات ءُ۔ تدوک آ مالی سال نا ہندا وخت اٹی ہڑتوم آ ملک آتا نیام اٹ واپار نا کچ 10.390 ارب ڈالر ریکارڈ کننگاسُس۔حساب و کتاب نا رداٹ مالی سال نا اولیکو 7 تُو اٹی چین ءِ برآمدات آن ملک ءِ 1.467 ارب ڈالر نا زرمبادلہ دوئی مس، ہرا تدوک آ مالی سال نا ہندا وخت انا 1.482 ارب ڈالر نا کچ آن 1.05 فیصد کم ءُ۔ جنوری ٹی چین ءِ پاکستان نا برآمدات آتا  کچ 251.048 ملین ڈالر ریکارڈ کننگا ہرا دسمبر اٹی 233.092 ملین ڈالر و تدوک آ سال جنوری اٹی 194 ملین ڈالر ئس۔ مالی سال 2025 اٹی چین ءِ پاکستان نا برآمدات آتا  کچ 2.477 ارب ڈالر ریکارڈ کننگاسُس۔حساب و کتاب نا رداٹ مالی سال نا اولیکو 7 تُو اٹی چین آن درآمداتآ 11.097 ارب ڈالر نا زرمبادلہ خڑچ مس، ہرا تدوک آ مالی سال نا ہندا وخت نا کچ آن 24.58 فیصد زیات ءُ۔ تدوک آ مالی سال انا ہندا وخت اٹی چین آن درآمدات آ 8.90 ارب ڈالر زرمبادلہ خڑچمس۔ جنوری ٹی چین آن ہتنگ نا کچ 1.621 ارب ڈالر ریکارڈ کننگا ہرا دسمبر اٹی 1.762 ارب ڈالر و تدوک آ سال جنوری اٹی 1.366 ارب ڈالر ئس۔ مالی سال 2025 اٹی چین آن ہتنگ یعنی درآمدات  آ 16.31 ارب ڈالر نا زرمبادلہ خڑچ مسوسس۔