اسلام آباد۔ 24 فروری (اے پی پی)بنجائی وزیر پارلیمانی امور طارق فضل چوہدری پارینے کہ پاکستان بیت المال نیزگار بندغ آتا کمک، ناجوڑآتا درمان و طالب علم آتے اسکالرشپ تروک آ ادارہ ءِ ، دا ادارہ ءِ بے جا وڑاٹ ایکسپوزکننگپ، ادارہ اخس حوال تننگ خواہک او مناسب ءُ۔سے شنبے نادے سینیٹ نا دیوان اٹی سوج و ورندی نا وخت آ سینیٹر طلحہ محمود و سینیٹر سرمد علی نا …
پاکستان بیت المال غریب آتا کمک، ناجوڑ آتا درمان و طالب علم آتے اسکالرشپ فراوان کننگ نا ادارہ ءِ، طارق فضل چوہدری
گیشتریں ھال
اسلام آباد۔ 24 فروری (اے پی پی)بنجائی وزیر پارلیمانی امور طارق فضل چوہدری پارینے کہ پاکستان بیت المال نیزگار بندغ آتا کمک، ناجوڑآتا درمان و طالب علم آتے اسکالرشپ تروک آ ادارہ ءِ ، دا ادارہ ءِ بے جا وڑاٹ ایکسپوزکننگپ، ادارہ اخس حوال تننگ خواہک او مناسب ءُ۔سے شنبے نادے سینیٹ نا دیوان اٹی سوج و ورندی نا وخت آ سینیٹر طلحہ محمود و سینیٹر سرمد علی نا سوج آ بنجائی وزیر تخفیفِ غربت سید عمران احمد شاہ پارے کہ بینکنگ چینل آن کاٹنگوک آ زکواۃ اسٹیٹ بینک نا کمک اٹ پاکستان بیت المال ءِ گدریفنگک۔ بنجائی وزیر پارے کہ بیت المال دا فنڈ ءِ شیڈول نا رداٹ صوبائی دفتر آتے جاری کیک، و اگہ ڈونرز یعنی خیرات تروک آ بندغ آتا سرجم حوال درکار مرے تو او ایوان اٹی پیش کننگ کن تیار اُن ۔بنجائی وزیر عمران شاہ ادارہ نا افسر آتا کارکڑد آ پت انا درشانی ءِ کرے۔سینیٹر ہلال الرحمان مندوخیل و سینیٹر عابد شیر علی ڈی جی نا ہنکینی آسراتی تا بابت سوج کریر۔ وزیر ورندی تس کہ پاکستان بیت المال ایکٹ نا رداٹ ڈی جی ءِ ہاؤس رینٹ الاؤنس تننگک۔پریزائیڈنگ آفیسر باسک آتا سوج و نوشتہی ورندی ٹی تضاد نا پیدواری ءِ کرسا بناندات ءِ تعلقدار کمیٹی آ گدریفنگ نا فیصلہ کرے۔
