بنجائی وزیرواپار جام کمال خان نا گورنر بلوچستان تون اوڑدہی، ہڑتوم آ کنڈآتا تین پہ تینی است خواہی نا ہیت آتیا گپ و تران

کوئٹہ۔ 24 فروری (اے پی پی): بنجائی وزیر واپار جام کمال خان، گورنر بلوچستان جعفر خان مندوخیل تون گورنر ہاؤس کوئٹہ ٹی اوڑدہی کرے۔ دا اوڑدہی ٹی ہڑتوم آ کنڈآتا استخواہی نا کاریم تیا بشمول بلوچستان نا مچ آ حالیت و علاقائی و قومی ہیت آتیا گپ و تران کننگا۔ہڑتوم آ راہشونک شونداری گام گیج، گورننس نا باندات و صوبہ ٹی سوگوی و زرگزرانی شونداری ءِ پک کننگ کن اواریاٹ کوشست کننگ نا اہمیت آ گپ وتران کریر۔ جام کمال خان بنجائی حکومت نا کنڈآن واپار نا مون آ دننگ و زرکاری نا آسراتی تا کمک اٹ بلوچستان نا شونداری کن کمک کننگ نا عزم انا درشانی ءِ کرے وخت اس کہ گورنر جعفر خان مندوخیل صوبہ نا زرگزرانی و سیاسی حالیت آتے سوگو کننگ کن اواریاٹ  گام گیج چست کننگ نا گنجائشت آ زور شاغا۔ ہڑتوم آ راہشونک بلوچستان نا شونہالی و شونداری کن اواری اٹ کاریمءِ برجاتخنگ نا عزم انا درشانی ءِ کریر۔