عمران خان خن نا درمان نا ارٹمیکو ڈوزا کن پمزآ بس، المی درمان آن پد پدی روانہ کننگا، ، ایگزیکٹو ڈائریکٹر

اسلام آباد۔ 24 فروری (اے پی پی)سنٹرل زندان اڈیالہ ٹی بندی بانی پی ٹی آئی ءِ خن نا درمان نا ارٹمیکو ڈوز اکن پاکستان انسٹیٹیوٹ آف میڈیکل سائنسز (PIMS) آ اتنگا، ہراڑے اودے اینٹی وی ای جی ایفنا انٹرا وٹریل انجکشن خلنگا، اوکان پد اودے ولدا پدی روانہ کننگا۔ایگزیکٹو ڈائریکٹر پمز نا پریس ریلیز نا رد اٹ، پروسیجر آن مست چاہندار ڈاکٹر آتا بورڈ اونا سرجمی اٹ معائنہ ءِ کرے ۔ کنسلٹنٹ کارڈیالوجسٹ اونا ایکو کارڈیوگرافی و ای سی جی ءِ کرے ہرافتا رزلٹ نارمل بس، وخت اس کہ کنسلٹنٹ فزیشن ہم اونا طبی معائنہ ءِ کرے اوکان پد ڈاکٹر آک اودے طبی وڑاٹ مستحکمگوندار۔المی رضامندی ہلنگ آن پد آپریشن تھیٹر اٹی غٹ رکھی  گام گیج و مانیٹرنگ تون اوار پمز و الشفاء آئی ہاسپٹل نا کنسلٹنٹس، آئی اسپیشلسٹ و وٹریو ریٹینل سرجن آک خوردبین نا کمک اٹ اینٹی وی ای جی ایف نا انٹرا وٹریل انجکشن خلکر۔ دا عمل ءِ ڈے کیئر سرجرینا وڑاٹ پورو کننگا۔ ہسپتال نا رد اٹ، درمان آن مست، اٹی واوکان پد اونا طبی حالیت است جم ئس۔ سرسہب پروسیجر آن پد اودے رکھی پارت ، فالو اپ سلاہ و تعلقدار کاغد آتون اوار پدی روانہ گدریفنگا۔