عمران خان نا خن نا ارٹمیکو طبی پروسیجر کن حکومت غٹ کانودی و انسانی خواست آتے پورو کرے، ڈاکٹر طارق فضل چوہدری

اسلام آباد۔ 24 فروری (اے پی پی)بنجائی وزیر پارلیمانی امور ڈاکٹر طارق فضل چوہدری پارے کہ عمران خان نا خن نا ارٹمیکو طبی پروسیجرکن حکومت غٹ کانودی و انسانی خواست آتے پورو کرسا اودے سخت سکیورٹی ٹی پمز (PIMS) ہسپتال آ گدریفے ۔سے شنبے نا دے ’ایکس‘آ تینا اسہ وضاحتی بیان اسےٹی او پارے کہ ڈاکٹر آتا پارت آتا رد اٹ اولیکو پروسیجر آن پد خن نا نظر اٹ گچینی بس، ہرانارداٹ چاہندار ڈاکٹر آک ارٹیکو پروسیجر نا سلاہ تسر۔ اینو دا عمل  سرسہبی اٹ پورو مس اور میڈیکل ٹیم نا کلیئرنس آن پد اودے ولدا اڈیالہ جیل آ گدریفنگا۔عمران خان ءِ بروک آ انجکشنءِ24 مارچ آ خلنگک۔ او پارے کہ ہر اسہ بندی ءِ کانود نا رد اٹ طبی آسراتی تا فراوانی ریاست نا زمواری ءِ اور دا باندات اٹی ہم غٹ بست وبند آتے شفاف اور ضابطہ نا رِد اٹ کننگانے۔