وفاقی وزیر داخلہ محسن نقوی ءَ کرک ءَ ایمبولینس آنی سر ءَ ناشرکاری اُرش ءِ سک باز مذمت کتگ، 3 کارندہ آناں شگر ءُ  منت گپتگ

اسلام آباد۔23فروری  (اے پی پی):وفاقی تہی کارانی وزیر محسن نقوی ءَ کرک ءِ دمگ ءَ فتنہ الخوارج ءِ ناشرکارانی نیمگ ءَ ایمبولینس آنی سر ءَ اُرش ءِ سک باز مذمت کتگ۔ آئی ءَ اے اُرش ءَ شھید بوتگیں سئے فیڈرل کانسٹیبلری ءِ کارندہ آناں شگر ءُ منت گپت۔ وزیر داخلہ ءَ وتی بیان ءِ تہ ءَ اے اُرش ءَ را غیر انسانی لیک اِتگ ءُ گوشت کہ ایمبولینس ءِ وڑیں میڈیکل گاڑی آناں نشانگ جوڑ کنگ بدترین وڑیں زوراکی ءُ زلم ءُ زوراکی اِنت۔ آئی ءَ گوشت کہ ایمبولینس آنی سر ءَ اُرش کنگ ءَ درندگ آناں اے گپ ثابت کت کہ آھاں گوں ھچ وڑیں مذھب ءُ  انسانیت ءَ سیادی نیست، اے بزدلیں کار بدترین وڑیں ظلم ءُ  زوراکی ءِ درشان اِنت۔ محسن نقوی ءَ شہیدانی گس ءِ گوما دلپدردی ءُ دلپدردی ءِ درشانی کتگ ءُ گشتگ کہ شہیدانی ابدمانیں کُربانی راج ءَ را مدام یات بیت۔ آئی ءَ گیش گوشت کہ راج ھما بہادریں سپاھیگ آنی وامدار اِنت کہ آھاں ملک ءِ واستہ وتی جان ندر کتگ اَنت۔ شہیدانی کھول مئے سرانی تاج اِنت، ریاست مدام گوں آھاں اوشتات کنت ءُ آ تہنا یلہ نہ بنت۔ وزیر داخلہ ءَ سیادی داروکیں واکدار آناں ہدایت کتگ کہ آ اُرش ءَ ٹپی بوتگیں کارندہ آناں جوانیں ءُ نوکیں دوا ءُ درمان ءِ آسراتی پجاری بہ کن اَنت تانکہ آہانی زوت جان سلامتی ممکن بہ بیت۔