صدر آصف علی زرداری ءَ ضلع کرک ءَ فیڈرل کانسٹیبلری ءِ قلعہ ءُ ایمبولینس ءِ سرا اُرش ءِ سک باز مذمت کتگ

اسلام آباد۔23فروری  (اے پی پی):صدر ءِ مملکت آصف علی زرداری ءَ ضلع کرک ءَ فیڈرل کانسٹیبلری ءِ قلعہ ءُ ایمبولینس ءِ سر ءَ اُرش ءِ سک باز مذمت کتگ ءُ اُرش ءَ شہید بوتگیں فیڈرل کانسٹیبلری ءِ کارندہ آنی کھول ءِ گوما دل ءِ جہلانکی ءَ دلپدردی ءِ درشانی کتگ۔ صدر ءِ مملکت ءَ شہید آنی پڑ برز کنگ ءُ کھول آنی واستہ سگءُاوپار ءِ دعا لوٹ اِت۔ دو شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ ٹپیگیں کارندہ ءُ ریسکیو کارندہ آنی زوت جان سلامتی ءِ دعا کتگ۔ صدر ءِ مملکت ءَ گوشت کہ ایمبولینس ءِ سر ءَ تیرگواری ءِ وڑیں بزدلی ئیں کار راجی جزم ءَ را ہلاس کُت نہ کنت۔