اسپیکر قومی اسمبلی سردار ایاز صادق نا پشین اٹی بھارتی مخ تف فتنہ الخوارج نا برخلاف سرسہب آپریشن آ سکیورٹی فورس آتے خراجِ تحسین

اسلام آباد۔ 23 فروری (اے پی پی): اسپیکر قومی اسمبلی سردار ایاز صادق پشین اٹی بھارتی مخ تف فتنہ الخوارج نا برخلاف سرسہب آپریشن نا وخت آ 5 دہشت گرد آتے دوزخی کننگ آ سکیورٹی فورس آتے خراجِ تحسین پیش کرے۔نیشنل اسمبلی سیکرٹریٹ آن دوشنبے نا دے جاری مروک آ بیان اٹی اسپیکر سردار ایاز صادق دہشت گرد آتا برخلاف سوگو کارروائی تیا سکیورٹی فورس آتا کسبی مہارت، وخت آ حکمتِ عملی و آپریشنل لائخی تا ستاءِ کرسا پارے کہ سکیورٹی فورس آتا جیرت ، مہارت و بہادری آ مچ آ قوم ءِ گمر کیک۔ اسپیکر پارے کہ قوم انا بہادر گلزادہ غاک ہلہلہ ئی و گچین کارروائی کرسا بھارتی مخ تف فتنہ الخوارج نا دہشت گرد آتا گندہ غا ارادہ غاتے بے سہب کریر۔ او پارے کہ بلوچستان اٹی پائیدار ایمنی کن سکیورٹی فورسز و کانود نافذ کروک آ ادارہ غاتا کڑد ستاکڑزک ۔ اسپیکر سردار ایاز صادق دا عزمانا درشانی ءِ کرے کہ ملک آن پیشن نا مخ تف دہشت گرد آتا پورو چٹفنگ کن مچ آ قوم سکیورٹی فورس آتون ہم کوپہ سلوک ءِ۔