اسلام آباد۔ 23 فروری (اے پی پی): وزیراعظم محمد شہباز شریف (اینو) 23 فروری آ ن قطر نا امیر شیخ تمیم بن حمد الثانی نا سلہ غا قطر نا اِرا دے ئی سرکاری دورہ ءِ کیک۔ دوشنبے نا دے دفتر خارجہ غان جاری مروک آ بیان نا رد اٹ وزیراعظم محمد شہباز شریف تون اوار نائب وزیراعظم و وزیرِ خارجہ سینیٹر محمد اسحاق ڈار، ایلو بنجائی وزیر آک و …
وزیراعظم شہباز شریف اینو آن شیخ تمیم بن حمد الثانی نا سلہ غا قطر انا اِرا دے ئی سرکاری دورہ ءِ کیک، دفتر خارجہ
گیشتریں ھال
اسلام آباد۔ 23 فروری (اے پی پی): وزیراعظم محمد شہباز شریف (اینو) 23 فروری آ ن قطر نا امیر شیخ تمیم بن حمد الثانی نا سلہ غا قطر نا اِرا دے ئی سرکاری دورہ ءِ کیک۔ دوشنبے نا دے دفتر خارجہ غان جاری مروک آ بیان نا رد اٹ وزیراعظم محمد شہباز شریف تون اوار نائب وزیراعظم و وزیرِ خارجہ سینیٹر محمد اسحاق ڈار، ایلو بنجائی وزیر آک و بڑزکو عہدیدار آک ہم مریرہ۔دا دورہ ہڑتوم آ ملک آتیٹی گہرا ایلمی تعلقداری نا شاہدی ءِ و چندی بشخ آتیٹی کمکاری ءِ پین سوگو کننگ نا اسیجائی عزم ءِ تالان کیک۔ دوحہ ٹی اڈکننگ نا وخت آ وزیراعظم شیخ تمیم بن حمد الثانی تون اوار اوڑدہی کیک ہراٹی سیاسی رابطہ ، اقتصادی کمک، توانائی شریداری و السی کہول آ رابطہ غاتون اوار ہڑتوم آ کنڈآتا تعلقداری نا غٹ پلو آتیا گپ وتران کننگک۔ ہڑتوم آ کنڈآک واپار، زرکاری، توانائی، بنداوی پنجرنا شونداری و افرادی قوت (بندغ آتا مزوری ) نا برآمد نا بشخ آتیٹی کمکاری نا پوسکن آ وارخواہی تے ہم پٹرہ ۔ ہڑتوم آ ملک آتانیام اٹ اسہ ایلو آ باوری و علاقائی و جہانی کہول آ رابطہ کاری نا اسہ متکن ءُ سنگتی اس ارے۔ دا دورہ ہڑتوم آ سرکڑدہ غاتے ہندی و جہانی باندات آتیاہیت کننگ نا موقع اس ایتک و ڈیہہ انا ایمنی، سوگوی و شونہالی کن اواری اٹ کاریم کننگ نا عزم ءِ پین پوسکن کیک۔
