سیکورٹی فورس آتا بلوچستان نا ضلع پشین اٹی دہشت گرد آتا ساڑی گری نا حوال آ سرسہب کارروائی، خودکش جلہو گیر آتون اوار فتنۃ الخوارج آتا 5 دہشت گرد  جہنمی، آئی ایس پی آر

راولپنڈی۔ 23 فروری (اے پی پی) بلوچستان نا ضلع پشین اٹی سیکورٹی فورس آک دہشت گرد آتا ساڑی گری نا حوال آ سرسہب کارروائی کرسا خود کش جلہو گیر آتون اوار فتنۃ الخوارج آتا 5 دہشت گرد آتے جہنمی کریر۔ آئی ایس پی آر نا رداٹ 22 فروری 2026 آ سیکورٹی فورس آک بلوچستان نا ضلع پشین اٹی بھارتی پراکسی فتنۃ الخوارج آن تعلق تخوک آ خارجی تا ساڑی گری نا حوال آ انٹیلی جنس آ تالان آپریشن کریر۔ آپریشن اٹی سیکورٹی فورس آک  چندی سلہہ غاتا کمک اٹ خارجی تا پورو تشکیل ءِ جوان وڑاٹ شست کریر۔ اسہ ایلو آ ترند سم کاری آن پد اسہ خودکش بمبار خارجی اس لغوری نا درشانی ءِ کرسا تینے دھماکہ اٹ ترخفے وخت اس کہ بھارت نا زیرسرپرستی پین 4 خارجی تے جہنمی کننگا۔ خلنگوک آ خارجی تا کوزہ غان سلہہ، گولہ بارود و دھماکہ خیزمواد ہم دوئی مسنے۔ دادہشت گرد آک علاقہ ٹی دہشت گردی نا چندی کارروائی تیٹی لگوک ئسر۔ علاقہ ٹی ساڑی آ پین بھارتی سرپرست یافتہ دہشت گرد آتا چٹفنگ کن ’’سینیٹائزیشن آپریش‘‘برجاءِ۔ نیشنل ایکشن پلان نا بنجائی اپیکس کمیٹی نا منظور کروک وژن ’’عزم استحکام‘‘ نا رداٹ سیکورٹی فورس و پاکستان نا کانود نافذ کروک آادارہ غاتا کنڈآن دہشت گردی نا برخلاف دا مہم پورو واک اتون برجاسلک تانکہ ملک آن درملکی سرپرستی اٹی چلینگوک آ دہشت گردی نا لعنت ءِ پورو چٹفنگ مرے۔