بنجائی آئینی عدالت خیبر پختونخوا اکنامک زون کمپنی نا مُسکوہی سی ای او نا برطرفی نا برخلاف اپیل ءِ مسترد کرے

اسلام آباد۔ 23 فروری (اے پی پی): بنجائی آئینی عدالت خیبر پختونخوا اکنامک زون کمپنی نا مُسکوہی سی ای او جاوید اقبال نا برطرفی نا برخلاف دائر مروک آ اپیل ءِ مسترد کرے و پشاور ہائیکورٹ نا فیصلہ ءِ برقرار تخا۔کیس انا سماعت دوشنبے نا دے بنجائی آئینی عدالت نا اِرا باسکی بینچ کرے، ہرا نا کماشی ءِ جسٹس حسن اظہر رضوی کرے وخت اس کہ جسٹس روزی خان باریچ ہم بینچ اٹی اوار ئس۔ سماعت نا وخت آ جاوید اقبال نا وکیل عدالت ءِ پارے کہ حکومت نا کنڈ آن برطرفی بے سوب کننگا۔ وکیل موقف اختیار کرے کہ جاوید اقبال ءِ اونا کارکڑد نا بنداو آ دُوارہ  سی ای او نا عہدہ غا تخنگاسُس۔ عدالت دلیل آتے بِننگ آن پد اپیل ءِ مسترد کرسا پشاور ہائیکورٹ نا فیصلہ ءِ برقرار تخنگ نا پرمان کرے۔