حکومت ءِ وژن ورناہاں گوں ڈیٹا ءَ ہمگرنچ کنگ انت، اقتصادی پالیشیانی تسلسل راجی دیمروئی ءِ ھاترا المی انت، وفاقی وزیر احسن اقبال

لاہور۔23فروری  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ حکومت ءِ وژن ورنا آناں ڈیٹا ءِ گوما ھمگرنچ کنگ اِنت، راجی دیمروئی ءِ واستہ اقتصادی پالیشی آنی تسلسل المی اِنت، 2025ءَ تاں بہار ءِ سرجمیں سیشن آنی نودربر آناں  میرٹ ءِ  بنیاد ءَ  لیپ ٹائپ  بھر ءُ بانگ کنگ بوتگ۔ آئی ءَ اے ھیالانی درشانی مراگش ءِ شپ ءَ یونیورسٹی آف انجینئرنگ اینڈ ٹیکنالوجی لاہور ءَ مزن وزیر محمد شہباز شریف ءِ لاپار ٹاپ اسکیم ءِ چیر دستی ءَ لاپار ٹاپ اسکیم ءِ بھر ءُ بانگ ءِ مراگش ءَ گشتانک دیان ءَ کت۔ وفاقی وزیر احسن اقبال ءَ گوشت کہ استیں حکومت ورنا آناں نوکیں ٹیکنالوجی ءِ رسائی، وانگ ءُ زانگ ءِ شوبگ آنی تہ ءَ دیمروئی ءُ کامیابی ءِ واستہ یک وڑیں موہ پجاری کنگ ءَ انت۔ مئے لوٹ اِنت کہ گریبیں ھاندان ءِ نودربر ھم دیم ءَ بہ رو اَنت ءُ پاکستان ءِ دیمروئی ءِ تہ ءَ وتی کرد ءَ پیلو بہ کن اَنت۔ آئی ءَ گوشت کہ حکومت ءَ آرٹیفیشل انٹیلی جنس (اے آئی) منصوبگ آنی سر ءَ یک ارب ڈالر ءِ سرمایہ کاری کنگ ءَ اِنت، آئی ٹی پروگرام ءُ کاروباری ادارگ جوڑ کنگ بوتگ اَنت، نوں نودربر کوڈنگ ءِ وسیلگ ءَ روزگار ءِ موہ رسگ ءَ سوبین بنت، پرچا کہ لاپر ٹاپ ءِ روچ انقلاب ءِ روچ اِنت، نودربر لاپر ٹاپ اسکیم ءَ چہ سرجمی ءَ پائدگ چست بہ کن اَنت۔ نودربراں گوں تران کنان ءَ وفاقی وزیر ءَ گوشت کہ آ سوشل میڈیا ءِ سر ءَ جعلی ھال آنی چہ دور بہ بنت ءُ وتی توانائی آناں وانگ ءُ زانگ ءُ سرپدی ءِ سر ءَ دلگوش بہ کن اَنت، مرچیگیں وھد ءَ جعلی ھال آنی وسیلگ ءَ ریاست ءُ ادارگ آنی تہ ءَ بے اعتمادی پیداک کنگ بوھگ ءَ اِنت۔ احسن اقبال ءَ گوشت کہ ورنا پاکستان ءِ اصل دیمروئی ءُ مھکم اَنت، ایشانی سبب ءَ ملک یک رژنائیں باندات ءِ نیمگ ءَ رھادگ بوھگ ءَ اِنت۔ آئی ءَ گوشت کہ من ءَ اے ادارگ (یو ای ٹی) ءَ چہ وانگ ءُ زانگ، عزت ءُ بستار رستگ، کہ من ءَ ھچبر شموشگ نہ بیت۔ وفاقی وزیر احسن اقبال ءَ گوشت کہ پاکستان ءَ نا ایوک ءَ جنگ ءَ بھارت شکست داتگ بلکینگ ءَ آئی ٹی ءِ پڑ ءَ بھارت ءَ را مٹی جوڑ کتگ۔ اے جنگ ءِ تہا تئی ورناہانی کرد سک باز اہم انت۔ اقتصادی دیمروئی ءِ ھوالگ ءَ مئے جزم سک باز انت۔ نوں ما دیمروئی ءِ ہمراہی ءَ دژمن ءِ ہم جنگ کتگ کہ ہما ملک ءَ کہ جہد ءِ برجاہ دارگ ناگزیر انت۔ احسن اقبال ءَ گوشت کہ پاکستان ءِ دفاعی طاقت اے آئی ءِ صلاحیت انت وھدیکہ معاشی طاقت ءِ وسیلہ شمے ورنا انت۔ آئی ءَ گوشت کہ گوست ءَ راجی دیمروئی ءِ راہ ءَ را بند کنان ءَ مصنوعی بدلی آرگ ءِ پندل سازگ بوتگ، راج ءَ را دُز ءُ ڈنگ آنی کرد سکین دیگ بوتگ، سی پی آئی ایم منی چینجر پلان بوتگ، ایشی ءِ آسر مرچی راج ءِ دیم ءَ انت۔ آئی ءَ گوشت کہ پاکستان ءَ مرچی اندری استحکام ءِ ضلورت اِنت، امیج صلاحتو ءِ برکت ءَ پاکستان یک آہنی ٹُکرے جوڑ بیت کہ چگلگ نہ بیت، نوں ملک دو رند ءَ دیمروئی ءِ تواراں اشکنگ ءَ اِنت۔ ایشی ءَ چہ پیسر وائس چانسلر ڈاکٹر شاہد منیر ءَ وفاقی وزیر احسن اقبال ءَ را وش اتک کت۔ اے موہ ءِ سر ءَ مزن وزیر ءِ فوکل پرسن برائے ورنا رضوان انور ءَ لپا ٹاپ اسکیم ءِ ارزشت ءِ سر ءَ ھم زور پر دات ۔ مراگش ءِ تہا 769 نودربراں لاپا ٹاپ ءِ بہر ءُ بانگ کنگ بوتگ۔ وفاقی وزیر پروفیسر احسن اقبال،وائس چانسلر ڈاکٹر شاہد منیر اور وزیر اعظم کے فوکل پرسن برائے یوتھ رضوان انور  ءَ ھم نودر برآ نا  لیپ ٹاپ بھر ءُ بانگ کتگ۔ اے موہ ءَ ڈاکٹر شاہد منیر ءَ بنجاھی وزیراحسن اقبال ءُ فوکل پرسن رضوان انور ءَ را سوگات ھم دات۔