مزن وزیر شہباز شریف شیخ تمیم بن حمد الثانی ءِ دعوت ءِ سرا مرچی ءَ چہ قطر ءِ دو روچی سرکاری تر ءُ تاب ءَ کنت، درئی کارانی کارگس

اسلام آباد۔23فروری  (اے پی پی): مزن وزیر محمد شہباز شریف قطر ءِ امیر شیخ تمیم بن حمد الثانی ءِ دعوت ءِ پد ءَ 23 فروری ءَ چہ قطر ءِ دو روچی سرکاری تر ءُ تاب ءَ کنت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ ھمراھی ءَ نائب مزن وزیر ءُ درئی کارانی وزیر ایس محمد اسحاق ڈار، اے دگہ وفاقی وزیر ءُ مزنیں کارندہ ھوار بنت۔ اے تر ءُ تاب دوئیں ملک آنی نیام ءَ گہتریں براتی سیادی آنی درشان اِنت ءُ جتا جتائیں پڑ آنی تہ ءَ مردم آنی نیام ءَ کمک ءَ را گیش مھکم کنگ ءِ یکجائی جزم ءَ را پدر کنت۔ دوحہ ءِ تر ءُ تاب ءِ ساھت ءَ مزن وزیر شیخ تمیم بن حمد التھانی ءِ گوما دو نیمگی گند ءُ نند کنت ایشی ءِ تہ ءَ دو نیمگی سیادی آنی سرجمیں تک ءُ پھنات آنی سر ءَ گپ ءُ تران کنگ بیت ایشی ءِ تہ ءَ اقتصادی کمک، توانائی ءِ شریکداری ءُ مردم آنی نیام ءَ رابطہ ھوار اَنت۔ دوئیں رہشون تجارت، سرمایہ کاری، توانائی، بنیاتی ڈھانچہ ءِ دیمروئی ءُ انسانی وسائل ءِ دیمروئی ءِ شوبگ آنی تہ ءَ کمک ءِ واستہ نوکیں موہ آناں ھم پٹ ءُ پول کن اَنت۔ دوئیں ملک آنی تہ ءَ دمگی ءُ میاں اوستمانی دیوان آنی تہ ءَ یکے دومی ءِ سر ءَ بھروسہ ءُ نزیکیں ھمگرنچی ءِ بنیات ءَ دیریں شریکداری ءِ وسیلگ ءَ چہ وشھالی ھست۔ اے تر ءُ تاب ءَ چہ دوئیں رہشون آناں یک موہ رس ایت کہ آ یکے دومی ءِ مفاد ءِ دمگی ءُ جھان ءِ جیڈھ آنی سر ءَ ھیال ءُ لیکہ آنی تبادلہ بہ کن اَنت ءُ دمگ ءَ امن، مھکم ءُ وشھالی ءِ واستہ یکجاھیں کار کنگ ءِ وتی عزم ءِ نوک بہ کن اَنت۔