اسلام آباد۔23فروری (اے پی پی): راجی اسمبلی ءِ اسپیکر سردار ایاز صادق ءَ بھارت ءِ کمک ءَ فتنہ الخوارج ءِ ھلاپ ءَ سوبمندیں آپریشن ءِ ساھت ءَ 5 ناشرکار ءِ کوش ءِ سر ءَ سیکورٹی فورسز ءَ را توسیپ ءُ ستا درشان کتگ۔ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ تہ ءَ اسپیکر سردار ایاز صادق ءَ ناشرکار آنی ھلاپ ءَ یکجاھیں کارروائی آنی تہ …
راجی اسمبلی ءِ اسپیکر سردار ایاز صادق ءَ ہندوستان ءِ کمک ءَ فتنہ الخوارج ءِ حلاف ءَ سوبمندیں آپریشن ءِ ھاتر ءَ سیکورٹی فورسز ءَ را توسیپ ءُ ستا
گیشتریں ھال
اسلام آباد۔23فروری (اے پی پی): راجی اسمبلی ءِ اسپیکر سردار ایاز صادق ءَ بھارت ءِ کمک ءَ فتنہ الخوارج ءِ ھلاپ ءَ سوبمندیں آپریشن ءِ ساھت ءَ 5 ناشرکار ءِ کوش ءِ سر ءَ سیکورٹی فورسز ءَ را توسیپ ءُ ستا درشان کتگ۔ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ تہ ءَ اسپیکر سردار ایاز صادق ءَ ناشرکار آنی ھلاپ ءَ یکجاھیں کارروائی آنی تہ ءَ سیکورٹی فورسز ءِ تکنیکی مہارت، وھد ءِ سر ءَ حکمت عملی ءُ آپریشنل حکمت ءِ توسیپ کتگ ءُ گوشت کہ سرجمیں راج ءَ را سیکورٹی ءِ واستہ دلیری، ہنر ءُ بہادری ءِ سر ءَ پھر اِنت۔ اسپیکر ءَ گوشت کہ راج ءِ بہادریں زھگ آناں ترند ءُ جوانیں گامگیج ءِ وسیلگ ءَ بھارت ءِ کمک ءَ فتنہ الخوارج ءِ ناشرکار آنی نا شریں ارادہ آناں ناکام کتگ۔ آئی ءَ گوشت کہ بلوچستان ءَ امن ءِ برجائی ءَ سیکورٹی فورسز ءُ کانود ءِ نفاذ ءِ ادارگ آنی کرد ستا کرز انت۔ اسپیکر سردار ایاز صادق ءَ اے جزم ءِ پدا زور دات کہ سرجمیں راج ملک ءَ چہ ریاستی حمایت کتگیں ناشرکاریں عناصر ءِ سرجمیں ھلاسی ءِ ھاترا سیکورٹی فورسز ءِ ھمراھی ءَ اوشتاتگ۔
