وزارت داخلہ ءِ سرکاری ڈل ءِ وزیر مملکت طلال چوہدری ءِ دو روچی تر ءُ تاب ءَ  انقرہ ءَ آسر بوتگ

اسلام آباد۔23فروری  (اے پی پی): وزارت داخلہ ءِ سرکاری ڈل ءَ داخلہ ءِ وزیر مملکت طلال چوہدری ءِ سروکی ءَ انقرہ ءِ دو روچی تر ءُ تاب آسر کتگ۔ وزارت داخلہ ءِ جارکش ءِ رد ءَ اے تر ءُ تاب ءِ ساھت ءَ وزیر ءِ مملکت طلال چوہدری ءَ ترکی ءِ نائب وزیر داخلہ ءَ گوں ھم گند ءُ نند کتگ ایشی ءِ ساھت ءَ آھاں ادارگی کمک ءُ وت مہ وتی سیادی آناں گیش دیمروئی دیگ ءِ سر ءَ تپاک کتگ۔ ڈل ءَ پولیس، انسداد ناشرکاری، امیگریشن ءُ منشیات ءِ محکمہ آنی ھم تر ءُ تاب کتگ، ایشی ءِ تہ ءَ وت مہ وتی کمک ءِ جیڈھ آنی سر ءَ سرجمیں رنگ ءَ گپ ءُ تران کنگ بوتگ۔ وزیر مملکت ءَ رمضان ءِ درگت ءَ مزن وزیر شہباز شریف ءُ تہی کارانی وزیر محسن نقوی ءِ نیکیں واھگ آناں ترکی ءِ واکدار آناں سر کت انت۔ اے تر ءُ تاب ءِ ساھت ءَ پاکستان ءُ ترکی ءِ نیام ءَ امن ءُ ایمنی ءِ کمک ءَ را گیش مھکم کنگ ءِ عزم ءِ پدا زور دیگ بوت۔