سیکورٹی فورسز ءَ بلوچستان ءِ ضلع پشین ءَ ناشرکارانی ھست بوھگ ءِ ھال ءِ سر ءَ سوبمندیں رنگے ءَ آپریشن کتگ، وت کُش بمب تراک کنوکیں گل فتنہ الخوارج ءِ 5 ناشرکار جنگ  بوتگ اَنت، آئی ایس پی آر

راولپنڈی۔23فروری  (اے پی پی): بلوچستان ءِ ضلع پشین ءَ سیکورٹی فورسز ءَ ناشرکارانی ھست بوھگ ءِ ھالانی سر ءَ موثر آپریشن کتگ ءُ وت کُش تراک کنوکیں گل فتنہ الخوارج ءِ 5 ناشرکار کشگ بوتگ اَنت۔ آئی ایس پی آر ءِ رد ءَ 22 فروری 2026 ءَ سیکورٹی فورسز ءَ بلوچستان ءِ ضلع پشنل ءَ ھندی پراکسی فتنہ الخوارج ءَ گوں سیادی داروکیں ناشرکارانی ھست بوھگ ءِ ھال ءِ سر ءَ انٹیلی جنس ءِ بنیات ءَ آپریشن کتگ۔ آپریشن ءِ وھد ءَ سیکورٹی فورسز ءَ جتا جتائیں سلاہ آنی کارمرد کنگ ءَ ناشرکار آنی سرجمیں فارمیشن ءَ را موثر رنگ ءَ نشانگ جوڑ کتگ۔ زبردستیں تیرگواری ءَ پد درملکی نیمگ ءَ چہ یک وت کُشیں اُرشکارے ءَ بزدلی ءِ درشانی کتگ ءُ وت ءَ تراک کتگ ءُ ھمے وھد ءَ دگہ چار ھندی سرپرستی ءَ درملکی شھروند کش اِتگ اَنت۔ چہ بیران بوتگیں درملکی مردمانی دست ءَ سلاہ، گولہ بارود ءُ تراکناکیں چیز ھم برآمد کنگ بوتگ اَنت۔ اے ناشرکار دمگ ءِ بازیں ناشرکاری کارروائیانی تہ ءَ سرگرم بوتگ اَنت۔ دمگ ءَ ھستیں دگہ ھندی سرپرستی ءِ ناشرکار ءِ ھلاس کنگ ءِ ھاترا ”سینیٹائزیشن آپریشن“ کنگ بوھگ ءَ اِنت۔ نیشنل ایکشن پلان ءِ فیڈرل اپیکس کمیٹی ءِ نیمگ ءَ منظور بوتگیں ”استحکام ءِ ٹھینگ“ ءِ وژن ءِ چیر دستی ءَ پاکستان ءِ سیکورٹی فورسز ءُ کانود ءِ نفاذ ءِ ادارہانی نیمگ ءَ ناشرکاری ءِ ھلاپ ءَ اے مہم سرجمیں زور ءَ برجاہ بیت دانکہ ملک ءِ سرپرستی ءَ ناشرکاری ءِ ھترہ سرجم ءَ ھلاس کنگ بہ بیت۔